Gadar 2 : तारासिंग -सकीनाची जोडी पोहोचली अवॉर्ड सोहळ्यात, सनी देओल म्हणाला, 'बॉक्सऑफिसचं रुपच बदललंय...'

नुकत्याच आयोजित एका अवॉर्ड सोहळ्यात सनी देओल आणि अमिषा पटेल यांनी सोबतच हजेरी लावली. दोघांनी माध्यमांशी दिलखुलास संवादही साधला.

Gadar 2 : तारासिंग आणि सकीना यांची जोडी म्हणलं की लगेच 'गदर' सिनेमा आठवतो. 22 वर्षांपूर्वी आलेल्या या सिनेमाची जादू आजही कायम आहे. तारासिंग-सकीनाची बॉर्डरपार लव्हस्टोरी, सनी देओलचे अॅक्शन सीन्स आणि सिनेमातील अप्रतिम गाणी यामुळे सिनेमा आजही प्रेक्षकांच्या मनावर राज्य करतोय. आता पुन्हा 'गदर २' मधून सनी देओल आणि अमिषा पटेल धमाका करायला येत आहेत. यावर्षी 'गदर २' रिलीज होणार आहे. दरम्यान नुकत्याच आयोजित एका अवॉर्ड सोहळ्यात सनी देओल (Sunny Deol) आणि अमिषा पटेल (Amisha Patel) यांनी सोबतच हजेरी लावली. दोघांनी माध्यमांशी दिलखुलास संवादही साधला.

सनी देओल म्हणाला, 'जेव्हा गदर १ आला होता तेव्हा वाटलं नव्हतं की लोक सिनेमाला इतके डोक्यावर घेतील. जनतेला सिनेमा इतका आवडला की त्यांनी सर्वांचं तोंड बंद केलं आणि सिनेमा लोकप्रिय झाला.यामुळे गदर २ बनवणं फार अवघड होतं. इतक्या स्क्रीप्ट ऐकल्या पण मनासारखी स्क्रिप्ट मिळतच नव्हती.

तो पुढे म्हणाला, 'जग बदलत चाललं आहे. नवनव्या गोष्टी येतील त्याप्रमाणे आपल्यालाही बदलावं लागणार आहे. पूर्वी असं नव्हतं पण आता बॉक्सऑफिसचे रुप पालटले आहे.अशा परिस्थितीतही इतका चांगला प्रतिसाद बघून खूप बरं वाटतंय.सिनेमा रिलीज झाला की प्रतिसाद आणखी वाढेल अशी आशा आहे. गदर १ ला जितकं प्रेम दिलंत तितकंच गदर २ ला ही मिळेल हीच प्रार्थना.'

अमिषा पटेल म्हणाली, 'माझा सर्वात आवडीचा सुपरस्टार को-स्टार सनी सोबत पुन्हा काम करण्याची संधी मिळणं याहून कोणताही चांगला प्लॅटफॉर्म असूच शकत नव्हता.सकीना तर माझं आवडीचं कॅरेक्टर आहे.'

View this post on Instagram

A post shared by Viral Bhayani (@viralbhayani)

गदर २ चे शूटिंग पूर्ण झाले आहे.अमिषा पटेल, सनी देओल आणि उत्कर्ष शर्मा यांच्या प्रमुख भूमिका असलेला गदर २ हा चित्रपट ११ ऑगस्ट, २०२३ रोजी प्रदर्शित होणार आहे. या चित्रपटाची चाहते खूप दिवसांपासून वाट पाहत होते. गदर २ चे शूट लखनऊमध्ये सुरु आहे. लखनऊच्या मार्टिनियर कॉलेजलाच पाकिस्तान सेनेचे मुख्यालय बनवून तिथे पाकिस्तानचा झेंडा फडकवण्यात आला होता.