Swapnil Joshi : शिव ठाकरेवर स्वप्नील जोशीची प्रतिक्रिया, म्हणाला, 'शिवला पाठिंबा द्यायलाच...'
By ऑनलाइन लोकमत | Published: February 23, 2023 11:10 AM2023-02-23T11:10:34+5:302023-02-23T11:12:16+5:30
'शिव ठाकरे' अमरावतीच्या या पठ्ठ्याने मराठी बिग बॉस तर जिंकलेच पण हिंदी बिग बॉसमध्येही नाव कमावले.
Swapnil Joshi : शिव ठाकरेवर स्वप्नील जोशीची प्रतिक्रिया, म्हणाला, 'शिवला पाठिंबा द्यायलाच...'
Next बिग बॉस १६(Bigg Boss 16) चा महाअंतिम सोहळा पार पडला. एमसी स्टॅनने(M C Stan) विजेतेपदावर नाव कोरले. तर मराठमोळा शिव ठाकरे (Shiv Thakre) रनर अप ठरला. शिव विजेता झाला नसला तरी त्याने सर्वच प्रेक्षकांचे मन जिंकले आहे. ट्रॉफी नाही पण चाहत्यांचे मन जिंकण्यात तो यशस्वी ठरला. अमरावतीच्या या पठ्ठ्याने मराठी बिग बॉस तर जिंकलेच पण हिंदी बिग बॉसमध्येही नाव कमावले. मग अगदी दबंग अभिनेता सलमान खानही (Salman Khan) शिववर खूश होता. इतकंच नाही तर शिव ठाकरेला सलमान खानने सिनेमा ऑफर केल्याचीही चर्चा आहे. केवळ प्रेक्षकच नाही तर अनेक कलाकारही शिव ठाकरेमुळे प्रभावित झाले आहेत. अभिनेता स्वप्नील जोशीने (Swapnil Joshi) नुकतेच शिव ठाकरेचे कौतुक केले आहे.
अभिनेता स्वप्नील जोशीने नुकतेच ट्विटरवर चाहत्यांच्या प्रश्नांना उत्तरं दिली. #asksj असे त्याने सेशन घेतले. यामध्ये एका चाहत्याने ट्विट केले,'सर तुम्ही मनापासून शिव ठाकरेला पाठिंबा दिलात. तो त्यासाठी पात्र होता. तुम्ही सर्वोत्तम अभिनेत्यांपैकी एक आहात.'
Sir you supported #ShivThakare whole heartedly, he deserved it.
— Pruthvi (@ShraddhaSurya19) February 22, 2023
You are one of the best actors 😚💯#SwapnilJoshi
स्वप्नील जोशीने यावर उत्तर देत लिहिले, 'शिव हा मला भावासारखा आहे. त्याला पाठिंबा द्यायलाच हवा होता. माझ्यासाठी तोच विजेता आहे. त्याचं मन खूप मोठं आहे.'
Shiv is like a brother. Had to support him. For me, he is the winner. Has a heart of gold. https://t.co/AV0n0qZz1q
— Swwapnil Joshi | स्वप्नील जोशी (@swwapniljoshi) February 22, 2023
शिव ठाकरेने मराठी आणि हिंदी सिनेसृष्टीत सर्वांच्याच मनावर अधिराज्य केले आहे. इतकंच नाही तर त्याला रोहित शेट्टीचा 'खतरो के खिलाडी' हा शो ऑफर झाला आहे. बिग बॉसमुळे शिव ठाकरेचे नशीबच उजळले आहे.
तर दुसरीकडे स्वप्नील जोशीचा नुकताच रिलीज झालेला 'वाळवी' हा सिनेमा तुफान गाजला. परेश मोकाशी दिग्दर्शित या सिनेमात स्वप्नील जोशी, अनिता दाते, सुबोध भावे, शिवानी सुर्वे यांची मुख्य भूमिका होती. 'वाळवी'ला मिळालेल्या यशानंतर सिनेमाचा दुसरा भागही येणार अशी घोषणा नुकतीच करण्यात आली आहे.