विंग कमांडर अभिनंदन वर्धमान यांच्याविषयी ट्वीट करणाऱ्या वीणा मलिकला स्वरा भास्करने दिले हे सडेतोड उत्तर

वीणा मलिकने अभिनंदन यांचा फोटो ट्वीटरवर शेअर करून अभी अभी तो आये हो... अच्छी मेहमान नवाझी हो गी आप की... (तुम्ही आताच तर आला आहात... तुमचा चांगलाच पाहुणचार होईल) असे ट्वीट केले आहे. 

ठळक मुद्देवीणा मलिकने हे ट्वीट केल्यानंतर अभिनेत्री स्वरा भास्करने वीणाला सडेतोड उत्तर दिले आहे. तिने ट्वीटमध्ये म्हटले आहे की, वीणा जी... तुम्हाला लाज वाटायला पाहिजे. तुमची मानसिकता अतिशय खालच्या दर्जाची आहे.

भारतीय हवाई दलाने बालाकोट येथे केलेल्या एअर स्ट्राइकमुळे खवळलेल्या पाकिस्तानने काल भारताच्या हवाई हद्दीत घुसून हल्ला करण्याचा प्रयत्न केला होता. मात्र भारतीय हवाई दलाने हा हल्ला परतवून लावला. या चकमकीत भारताचे एक विमान कोसळून एक पायलट पाकिस्तानच्या तावडीत सापडला. 

पाकिस्तानी लष्कराचे प्रवक्ते मेजर जनरल आसिफ गफूर यांनी ट्विट करून याबद्दलची माहिती दिली होती. आपले एक पायलट पाकिस्तानच्या ताब्यात असल्याचे भारताने देखील मान्य केले असून, युद्धकैद्यांसाठीच्या जिनेव्हा अॅक्टची अंमलबजावणी करून त्याला सुखरूपपणे भारतात पाठवावे, अशी मागणी भारताने पाकिस्तानकडे केली आहे. पाकिस्तानच्या ताब्यात असलेल्या भारतीय पायलटच्या सुरक्षिततेबाबत परराष्ट्र मंत्रालयाने चिंता व्यक्त केली असून जखमी वैमानिकाला मारहाण करून पाकिस्तानने जिनेव्हा करारामधील मानवाधिकारासंबंधीच्या तत्त्वांचे उल्लंघन केल्याचा आरोपही भारताने केला. विंग कमांडर अभिनंदन वर्धमान या भारतील पायलटला लवकरात लवकर भारतात परत आणावे अशी मागणी सामान्य लोकांपासून बॉलिवूड सेलिब्रेटींपर्यंत सगळेच करत आहेत. 

केवळ भारतातील लोकांनीच नव्हे तर पाकिस्तानमधील लोकांनी देखील सोशल मीडियाद्वारे अभिनंदन यांना सुखरूपपणे पाठवून द्यावे अशी मागणी केली आहे. पण या सगळ्यात अभिनेत्री वीणा मलिकने एक अतिशय असंवेदनशील ट्वीट केले आहे. तिने अभिनंदन यांचा फोटो ट्वीटरवर शेअर करून अभी अभी तो आये हो... अच्छी मेहमान नवाझी हो गी आप की... (तुम्ही आताच तर आला आहात... तुमचा चांगलाच पाहुणचार होईल) असे ट्वीट केले आहे. 

Abhi Abhi Tu Ayo Ho...Achi Mehmaan Nawazi Ho GI Aap Ki😜 pic.twitter.com/BDcWO25orE

— VEENA MALIK (@iVeenaKhan) February 27, 2019

 

वीणा मलिकने हे ट्वीट केल्यानंतर अभिनेत्री स्वरा भास्करने वीणाला सडेतोड उत्तर दिले आहे. तिने ट्वीटमध्ये म्हटले आहे की, वीणा जी... तुम्हाला लाज वाटायला पाहिजे. तुमची मानसिकता अतिशय खालच्या दर्जाची आहे. आमचे ऑफिसर हे अतिशय शूर असून ते हिरो आहेत. अनेक पाकिस्तानी शांततेची मागणी करत आहे. एवढेच नव्हे तर आमच्या ऑफिसला प्रश्न विचारणाऱ्या तुमच्या आर्मीतील मेजरने देखील सभ्यता दाखवली. 

वीणा मलिक बिग बॉस या कार्यक्रमात झळकली होती. त्यावेळी ती अनेक महिने भारतातच राहिली होती.

Veena ji.. Shame on you & ur sick mindset. Your glee is just gross! Our officer is a hero- brave, gracious & dignified in the face of capture. At least some decency from that major in you army who was questioning #WingCommanderAbhinandan or the many Pakistanis suing 4 peace #sickhttps://t.co/KvJH8ClkmW

— Swara Bhasker (@ReallySwara) February 28, 2019