"नायकच ठरवतो की चित्रपटात हिरोईन कोण हवी", तापसी पन्नूचा मोठा खुलासा!

तापसी पन्नू ही स्पष्टवक्ते स्वभावासाठी प्रसिद्ध आहे. आता पुन्हा एकदा तिने सर्वांचं लक्ष वेधलं आहे.

प्रसिद्ध बॉलिवूड अभिनेत्री तापसी पन्नू ही कायमच चर्चेत असते. तापसी स्पष्टवक्ते स्वभावासाठी प्रसिद्ध आहे. आता पुन्हा एकदा ती चर्चेत आली आहे. नायकच ठरवतो की चित्रपटात हिरोईन कोण हवी, असा खुलासा तापसीने केला आहे. शिवाय, मोठ्या सुपरस्टारसोबत झळकल्यानंतर फार कमी मानधन मिळते, असंही तिने म्हटलं. 

नुकत्याच दिलेल्या मुलाखतीत तापसी पन्नू म्हणाली की, 'आता तर प्रेक्षकांनाही माहीत आहे की, आपल्या बहुतेक चित्रपटांमध्ये हिरोईन कोण असेल हे नायक ठरवतो. फक्त काहीवेळेस यशस्वी दिग्दर्शक या गोष्टीला अपवाद ठरतात. पण, ७५ टक्के वेळा हिरोईन कोण होणार यावर नायकाचा मोठा प्रभाव असतो.  सिनेमातील नायकाला ट्रेंडिंगमध्ये असणारी आणि प्रेक्षकांचं लक्ष वेधून घेणारी अभिनेत्री हवी असते. तर काही नायक अशी अभिनेत्री निवडतात जी त्याच्यावर वर्चस्व गाजवणार नाही".

तापसी म्हणाली, "लोकांना वाटते की मी 'जुडवा' किंवा 'डंकी' सारखे चित्रपट पैशासाठी करते, त्यामुळे मला खूप पैसे मिळतात. पण नाही, वस्तुस्थिती उलट आहे. 'हसीन दिलरुबा' सारख्या माझ्यामुळे चर्चेत राहिलेल्या चित्रपटांसाठी मला जास्त मानधन मिळतं. कारण, त्यांना वाटतं की ते मला अशा प्रकारच्या चित्रपटात घेऊन माझ्यावर उपकार करत आहेत. आधीच एक मोठा नायक आहे, आता दुसऱ्याची काय गरज? असा विचार त्यांचा असतो. अशा धारणांशी मी दररोज लढतेय".

आतापर्यंत तापसी पन्नूने अनेक सुपरस्टार्ससोबत चित्रपटांमध्ये काम केलं आहे. अमिताभ बच्चन यांच्यासोबत 'बदला' ते शाहरुख खानसोबतच्या 'डंकी' या चित्रपटापर्यंत. तापसी पन्नूचे एका मागून एक चित्रपट प्रेक्षकांच्या भेटीला येताना दिसत आहेत. तापसी पन्नूने मोठा काळ चित्रपटांमध्ये गाजवला आहे. तापसी पन्नू ही मोठ्या संपत्तीची मालकीन आहे. तापसी पन्नू कायमच सोशल मीडियावरही सक्रिय दिसते. आपल्या चाहत्यांसाठी खास फोटो आणि व्हिडीओ शेअर करताना दिसते.