प्रभाससोबत अफेयर्सच्या चर्चा, घटस्फोटीत दिग्दर्शकासोबत जोडलं गेलं नाव, अशी आहे 'बाहुबली'तल्या 'देवसेने'ची लव्हलाइफ

Anushka Shetty : अनुष्का शेट्टी ७ नोव्हेंबरला तिचा वाढदिवस साजरा करत आहे.

अनुष्का शेट्टी (Anushka Shetty) ७ नोव्हेंबरला तिचा वाढदिवस साजरा करत आहे.

'बाहुबली' फेम अभिनेत्री अनुष्का शेट्टीने आपल्या अभिनय कौशल्याच्या जोराववर सिनेइंडस्ट्रीत आपली ओळख बनवली आहे. तिने अनेक दमदार सिनेमात काम केले आहे. मात्र बाहुबली हा चित्रपट तिच्यासाठी खूप खास आहे.

बाहुबली चित्रपटात अनुष्का शेट्टीने देवसेनाची भूमिका साकारली होती. या भूमिकेतून तिला खूप लोकप्रियता मिळाली. या चित्रपटात ती प्रभाससोबत झळकली होती.

अनुष्काचे प्रभाससोबत अफेयरच्या खूप चर्चा रंगल्या होत्या. रिपोर्ट्सनुसार, अनुष्का आणि प्रभास रिलेशनशीपमध्ये होते. प्रभास अनुष्कावर खूप इंप्रेस होता. मात्र ते त्यांच्या नात्याला मैत्रीचं नाव देत राहिले.

प्रभासने अनुष्का सोबतच्या रिलेशनशीपच्या चर्चेला उत्तर देताना म्हटलं होतं की, जेव्हा दोन लोक सातत्याने एकत्र काम करतात तेव्हा त्यांच्या अशा अफवा पसरू लागतात. मी तिला कसं डेट करू शकतो?

अनुष्काने देखील म्हटले होते की, तिने प्रभासला डेट करत नव्हते. याशिवाय तिचे नाव एका घटस्फोटीत दिग्दर्शकासोबत जोडले गेले होते.

अनुष्काचे नाव घटस्फोटित दिग्दर्शक प्रकाश कोवेलामुडीसोबतही जोडले गेले होते. दोघेही लग्न करण्याचा विचार करत असल्याच्या बातम्या आल्या होत्या.

याबद्दल बोलताना अभिनेत्री म्हणाली होती की, अशा बातम्या कोणी कसे लिहू शकतो? जे लोक अशा बातम्या लिहितात त्यांना वाटते की याचा परिणाम अभिनेत्रीच्या कुटुंबावर होत नाही.

जेव्हा सामान्य लोक त्यांचे नाते लपवू शकत नाहीत, तेव्हा सेलिब्रिटी ते कसे लपवतील? मी माझ्याशी संबंधित गोष्टी लपवत नाही, असे तिने म्हटले होते.

अभिनेत्रीच्या वर्कफ्रंटबद्दल बोलायचे तर तिच्याकडे घाटी आणि कठानार – द वाइल्ड सॉर्सर सारखे चित्रपट आहेत. दोन्ही चित्रपटांची शूटिंग सुरू आहे. शेवटची ती मिस शेट्टी मिस्टर पॉलिशेट्टी या चित्रपटात दिसली होती.