Video: मिलिंद गवळींनी ठाण्यात घेतलं नवीन घर, पत्नीसोबत केला गृहप्रवेश! पाहा नवीन घराची झलक

आई कुठे काय करते फेम अभिनेते मिलिंद गवळींनी ठाण्यात नवं घर घेतलंय. त्या घराची झलक त्यांनी सर्वांना दाखवलीय

'आई कुठे काय करते' फेम मिलिंद गवळी हे सर्वांचे आवडते अभिनेते. मिलिंद गवळी गेल्या अनेक वर्षांपासून मनोरंजन विश्वात कार्यरत आहेत. मिलिंद गवळींचे सिनेमे महाराष्ट्रातील गावागावात पाहिले जातात. मिलिंद गेल्या काही वर्षांपासून 'आई कुठे काय करते' मालिकेत अनिरुद्ध ही भूमिका साकारत आहेत. या भूमिकेला अनेक छटा असल्याने मिलिंद यांची भूमिका सर्वांना आवडतेय. अशातच मिलिंद यांनी सर्वांना आनंदाची बातमी दिलीय. ठाण्यात मिलिंद यांनी नवीन घर खरेदी केलंय. लोकमत फिल्मीकडून या घराची EXCLUSIVE झलक शेअर करण्यात आलीय. 

मिलिंद गवळींनी ठाण्यात घेतलं नवीन घर

मिलिंद गवळींनी ठाण्याच्या नवीन घराची झलक सर्वांना दाखवलीय. या व्हिडीओत पाहायला मिळतं की मिलिंद गवळी नारळ फोडून नवीन घरात प्रवेश करतात. त्यांच्यामागे त्यांची पत्नी दीपा गवळीही दिसतात. पुढे मिलिंद गवळींच्या घराची झलक दिसते. संपूर्ण पांढऱ्या रंगात मिलिंद यांचं घर रंगवलेलं दिसतं. पुढे घरात हॉल आणि किचनचा भाग दिसतो. नंतर मिलिंद आणि दीपा गृहप्रवेशाच्या पुजेला बसलेले दिसतात. 

म्हणून मिलिंद गवळींनी ठाण्यात घेतलं घर

अनेकांना प्रश्न पडला असेल की, मिलिंद गवळींनी ठाण्यातच घर का घेतलं? तर यामागचं कारण आम्ही तुम्हाला सांगतो. 'आई कुठे काय करते' मालिकेचं शूटींग ठाण्यात सुरु आहे. शूटींगच्या सेटवर लवकर जाता यावं आणि सेटजवळच घर असावं या उद्देशाने मिलिंद गवळींनी ठाण्यात घर घेतलंय. मिलिंद गेली तीन-चार वर्ष 'आई कुठे काय करते' मालिकेचं शूटींग करत आहेत. त्यांची अनिरुद्ध ही भूमिका चांगलीच गाजलीय.