Video:ऑफस्क्रीन संजना घेतला गौरीचा क्लास; फोटोशूटसाठी करतीये अभिनेत्रीला तयार

Aai kuthe kay karte: 'आई कुठे काय करते' या मालिकेत संजना जरी नकारात्मक भूमिकेत असली तरीदेखील ऑफस्क्रीन तिचं सगळ्यांशी उत्तम बॉण्डिंग आहे.

'आई कुठे काय करते' (aai kuthe kay karte या मालिकेतील प्रत्येक कलाकाराने प्रेक्षकांची मनं यशस्वीरित्या जिंकून घेतली आहेत. त्यामुळे या कलाकारांविषयी वा मालिकेविषयी जाणून घेण्यासाठी चाहते कायमच उत्सुक असतात. म्हणूनच, ही कलाकार मंडळीदेखील सोशल मीडियाच्या माध्यमातून आपल्या चाहत्यांच्या संपर्कात राहण्यासाठी कायम प्रयत्न करत असतात. सध्या सोशल मीडियावर रुपाली भोसले आणि गौरी कुलकर्णी यांचा एक व्हिडीओ व्हायरल होत आहे. यामध्ये रुपाली, गौरीला फोटोशूटसाटी तयार करत असल्याचं पाहायला मिळतं.

'आई कुठे काय करते' या मालिकेत संजना जरी नकारात्मक भूमिकेत असली तरीदेखील ऑफस्क्रीन तिचं सगळ्यांशी उत्तम बॉण्डिंग आहे.  पडद्यावर कायम सगळ्यांशी वाद घालणारी, मतभेद असलेली संजना पडद्यामागे सगळ्यांची छान मैत्रीण आहे. त्यामुळे या कलाकारांचे ऑफस्क्रीन व्हिडीओ, फोटो पाहणं प्रत्येकालाच आवडतं. सध्या व्हायरल होत असलेल्या व्हिडीओमध्ये रुपाली भोसले आणि गौरी कुलकर्णी फोटोशूट करत असल्याचं पाहायला मिळतं. विशेष म्हणजे हे फोटोशूट छान यावं यासाठी रुपाली, गौरीला काही टीप्स देत आहे.

View this post on Instagram

A post shared by Gauri Kulkarni (@gaurikulkarni23)

व्हायरल होत असलेल्या व्हिडीओमध्ये रुपाली, गौरीला फोटोसाठी कशा पोझ द्याव्यात, कसं बसावं, चेहऱ्यावर कसा अॅटिट्यूड असावा हे शिकवत आहे. विशेष म्हणजे गौरीदेखील हे सगळं एन्जॉय करत आहे. दरम्यान, या दोघींमधील बॉण्डिंग नेटकऱ्यांना विशेष आवडत असून सगळे जण त्यांच्यावर कौतुकाचा वर्षाव करत आहेत.