Aai Kuthe Kay Karte Promo: 'आई कुठे काय करते'मध्ये नवा ट्विस्ट, अनिरूद्धचं वागणं बघून संतापली अरूंधती

Aai Kuthe Kay Karte: लवकरच अरूंधती व आशुतोषचं लग्न प्रेक्षकांना पाहायला मिळणार आहे. अर्थात या लग्नात विघ्नही कमी नाहीत. होय, अनिरूद्ध या लग्नात एक ना अनेक विघ्न आणण्याचा प्रयत्न करतोय...

Aai Kuthe Kay Karte:    'आई कुठे काय करते' ही मालिका सध्या नव्या वळणावर आली आहे. अरूंधती लवकरच बोहल्यावर चढणार आहे. लवकरच अरूंधती व आशुतोषचं लग्न प्रेक्षकांना पाहायला मिळणार आहे. अर्थात या लग्नात विघ्नही कमी नाहीत. होय, अनिरूद्ध या लग्नात एक ना अनेक विघ्न आणण्याचा प्रयत्न करतोय. आता पुन्हा एकदा अनिरूद्धने असं काही केलं की, अरूंधतीचा पारा चढला.

'आई कुठे काय करते'चा नवा प्रोमो नुकताच रिलीज करण्यात आला. या प्रोमोत अरूंधती अनिरूद्धवर चांगलीच भडकलेली पाहायला मिळतेय. अरूंधतीने लग्नाची तयारी सुरू केली आहे. अशात अरूंधतीचं नवं तुटलेलं दिसत. हे कुणीतरी मुद्दाम केलं आहे, हे अरूंधतीला समजतं आणि सगळा संशय अनिरूद्धवर जातो. लग्नाआधी अरुंधतीचं मंगळसूत्र तुटलेलं पाहून सगळेजण अनिरुद्धवर संशय घेतात. अरूंधतीही अनिरूद्धच्या अशा वागण्यानं संतापते.  

View this post on Instagram

A post shared by सीरियल जत्रा (@serialjatra)

'एक धागा तुटल्याने आमच्यातलं नातं तुटेल असं तुम्हाला वाटत असेल ना? आम्ही मनापासून कधीच एकमेकांचे झाले आहोत. आमच्या नात्याचं कुणीही वाईट करू शकत नाही. तुम्ही तर नाहीच नाही,' असं ती अनिरूद्धला सुनावते. अनिरुद्धच्या या वागण्यामुळे अरुंधतीसोबतच अप्पा सुद्धा चांगलेच चिडतात आणि ते सुद्धा अनिरुद्धला चांगलंच सुनावतात. आता पुढच्या भागात काय होतं, हे बघणं इंटरेस्टिंग ठरणार आहे. अरुंधती आणि आशुतोष यांचं लग्न निर्विघ्न पार पडणार का? हे पाहणं देखील औसुक्याचं ठरणार आहे.