Abdu Rozik : हा तर चमत्कार...! बिग बॉस फेम अब्दू रोजिकची १९ व्या वर्षी अचानक वाढू लागलीये उंची

Abdu Rozik Height: जगातील सर्वात छोटा गायक, ब्लॉगर, बॉक्सर असलेल्या अब्दूची उंची उणीपुरी 3 फूट १ इंच आहे. पण आता त्याने चाहत्यांना त्याच्या उंचीबद्दल एक गुडन्यूज दिली आहे...

ताजिकिस्तानचा गायक अब्दू रोजिक (Abdu Rozik) बिग बॉस १६ मुळे ( Bigg Boss 16) देशभर लोकप्रिय झाला. लहानग्या अब्दूने सर्वांचं लक्ष वेधून घेतलं. त्याचा क्युटनेस, त्याची हुशारी सगळंच प्रेक्षकांना भावलं. १९ वयाच्या अब्दूने बिग बॉस १६मध्ये मोठं योगदान दिलं. पण कमी उंचीमुळे टास्कमध्ये मात्र त्याला मात खावी लागली. अर्थात याऊपरही त्याने सर्वांची मनं जिंकून घेतली. जगातील सर्वात छोटा गायक, ब्लॉगर, बॉक्सर असलेल्या अब्दूची उंची उणीपुरी 3 फूट १ इंच आहे. पण आता त्याने चाहत्यांना त्याच्या उंचीबद्दल एक गुडन्यूज दिली आहे. हे चमत्कारापेक्षा कमी नसल्याचं त्याने म्हटलं आहे.

अब्दूला लहानपणी मुडदूस ( rickets) हा आजार झाला होता. हा आजार प्रामुख्याने व्हिटॅमिन डीच्या कमतरतेमुळे होतो. खरं तर या आजारावर उपचार शक्य आहेत. पण अब्दू त्याबाबतीत दुर्दैवी ठरला. आर्थिक परिस्थिती जेमतेम असल्याने अब्दूवर उपचार होऊ शकले नाहीत. त्याच्या आई-वडिलांकडे तेवढे पैसे नव्हते. त्यामुळे अब्दुची वाढ कायमची थांबली. पण आता त्याने एक आनंदाची बातमी दिलीय.  

अब्दू आपल्या इंस्टाग्राम अकाऊंटवर एक पोस्ट पोस्ट केली आहे, ज्यामध्ये तो कारचे स्टेअरिंग हाताळताना दिसत आहे.  तुम्हाला फरक दिसतोय का? डॉक्टरांनी सांगितलय की मी आता वाढणार नाही कारण माझ्याकडे वाढीसाठी लागणारं हार्मोन 0% आहे. अल्हमदुलिल्लाह... हा चमत्कार तुमचं प्रेम, पाठिंबा आणि प्रार्थनांचा परिणाम आहे. मी वाढत आहे. माझी उंची वाढत आहे...., असं त्याने फोटोला दिलेल्या कॅप्शनमध्ये म्हटलं आहे.

अब्दू हा ताजिकिस्तानमध्ये राहतो आणि जगातील सर्वात तरुण गायक आहेत. ताजिकिस्तानचा हा प्रसिद्ध चेहरा आता ग्लोबल स्टार झाला आहे. त्याच्या नावावर विश्वविक्रमाची नोंद आहे. अब्दू हा जगातील सर्वात लहान गायक आहे. ताजिक रॅप गाणी गाण्याच्या टॅलेंटमुळे अब्दू रोजिकला प्रसिद्धी मिळाली. त्याचे ओही दिली जोर (Ohi Dili Zor) हे रॅप गाणे जगप्रसिद्ध आहे. अब्दूचे जगभरात चाहते आहेत. इंस्टावर त्याचे 2.6M फॉलोअर्स आहेत.