Exclusive : अभिज्ञा- मेहुलच्या घरचा बाप्पा पाहिला का? भव्य देखावा अन् सोबतीला खास उखाणे

Abhidnya Bhave & Mehul Pai Ganpati Celebration : अनेक मराठी कलावंताच्या घरी विराजमान झालेल्या बाप्पाची झलक तुम्ही पाहिली असेलच. पण मराठी अभिनेत्री अभिज्ञा भावे हिच्या घरच्या बाप्पाची बातचं न्यारी...

Abhidnya Bhave & Mehul Pai Ganpati Celebration : गणरायाच्या आगमनानं सगळीकडे उत्साहाचं वातावरण आहे. अनेक सेलिब्रिटींच्या घरीही बाप्पा विराजमान झाले आहेत. अनेक मराठी कलावंताच्या घरी विराजमान झालेल्या बाप्पाची झलक तुम्ही पाहिली असेलच. प्रत्येक सेलिब्रिटी आपल्या पद्धतीने गणेशोत्सव साजरा करतो. पण मराठी अभिनेत्री अभिज्ञा भावे हिच्या घरच्या बाप्पाची बातचं न्यारी. यावर्षी अभिज्ञासाठी बाप्पाचं आगमन अधिक खास आहे. त्यामुळेच सगळंच हटके आहे. अगदी भव्य देखावा आणि बरंच काही...
बाप्पाच्या आगमनानिमित्त अभिज्ञा व मेहुलने ‘लोकमत फिल्मी’ला खास मुलाखत दिली. पाहुया तर मग... 

मेहुलने तयार केला देखावा..
अभिज्ञा आणि मेहुलच्या घरचा बाप्पाचा देखावा अगदी भव्यदिव्य आहे आणि यामागे अभिज्ञाचा नवरा मेहुलचे कष्ट आहेत. तो इव्हेंटचा असल्यामुळे त्याला सगळं फारच परफेक्ट लागतं. अभिज्ञा यावेळी जरा बिझी असल्याने तिचं योगदान जरा कमी आहे... पण बाप्पाचा देखावा एकदम परफेक्ट आहे...!!

हे वर्ष खूप खास आहे...
बाप्पाचं हे वर्ष आमच्यासाठी खूपच खास आहे, असं अभिज्ञाने सांगितलं. कारण बाप्पाने अभिज्ञा व मेहुलवरचं एक संकट दूर केलं.  लग्नाच्या पहिल्या वर्षात मेहुलला कॅन्सरचं निदान झालं होतं. पण बाप्पाच्या कृपेनं आता तो त्यातून बरा झाला आहे. कॅन्सरचं संकट टळलं त्यामुळे बाप्पा अधिक खास आहे, असं अभिज्ञा म्हणाली.

घेतला भन्नाट उखाणा...
बाप्पाच्या आगमनानिमित्त अभिज्ञाने मेहुलसाठी खास उखाणा घेतला. ‘शंकररूपी बाप्पा बसला आहे आपल्या घरी. तुम्हाला कल्पना आहे का, तुम्हाला अभिज्ञा रूपात मिळाली आहे हुरपरी....,’असा भन्नाट उखाणा अभिज्ञाने घेतला. ‘चांदीचं ताट, सोन्याची वाटी, चुकून जॅकलिन आली माझ्या हाती....,’असा मजेशीर उखाणा मेहुलने ऐकवला.