अन् तब्बल 39 वर्षांनी तो योग आला.. 'झी चित्र गौरव'पुरस्कार सोहळ्यात सचिन-सुप्रिया यांच्या जोडी थिरकणार

मराठी इंडस्ट्रीतील एक परफेक्ट कपल म्हणजे, सचिन पिळगांवकर व सुप्रिया पिळगांवकर.

मराठी चित्रपटसृष्टीतील सुपरस्टार, चतुरस्त्र अभिनेते सचिन पिळगांवकर गेली अनेक वर्ष कार्यरत आहेत. सचिन पिळगांवकर भारतीय चित्रपट आणि दूरदर्शन अभिनेता, दिग्दर्शक, गायक आणि निर्माता आहेत. १९६२ सालच्या “हा माझा मार्ग एकला” या मराठी चित्रपटाद्वारे वयाच्या चौथ्या वर्षी त्याचे चित्रपटक्षेत्रात पदार्पण झाले. ते एक उत्तम अभिनेते आहेत. मराठी इंडस्ट्रीतील एक परफेक्ट कपल म्हणजे, सचिन पिळगांवकर व सुप्रिया पिळगांवकर. 
सचिन पिळगांवकर आणि सुप्रिया पिळगावकर यांची जोडी कायमच चर्चेत असते.

यंदाचा झी चित्र गौरव पुरस्कार सोहळा हा खूप अविस्मरणीय होणार आहे कारण मराठीतली आपली सदाबहार आवडती जोडी ‘सचिन पिळगावकर आणि सुप्रिया पिळगावकर’ बऱ्याच काळानंतर एकत्र धमाकेदार सादरीकरण करणार आहेत. सचिन आणि सुप्रिया यांच्या जोडीला एकत्र पाहण्यासाठी चाहते उत्सुक असतात. आता चाहत्यांसाठी एक गुडन्य़ूज आहे. 'झी चित्र गौरव पुरस्कार' निमित्ताने तब्बल 39 वर्षांनी जोडी पुन्हा एकत्र त्यांच्या लोकप्रिय गाण्यावर डान्स करणार आहेत. 

View this post on Instagram

A post shared by Zee Marathi (@zeemarathiofficial)

1984 साली आलेल्या नवरी मिळे नवऱ्याला या गाजलेल्या सिनेमात या दोघांनी हि नवरी कसली गाण्यावर डान्स केला होता. आता याच गाण्यावर तब्बल 39 वर्षांनी सचिन - सुप्रिया थिरकणार आहेत. दोघांचा 'झी चित्र गौरव पुरस्कार' सोहळ्यातील व्हिडिओ व्हायरल झाला आहे. या व्हिडिओत सचिन - सुप्रिया यांची लोकप्रिय जोडी एकमेकांसोबत डान्स रिहर्सल करताना दिसत आहेत. या व्हिडिओवर चाहत्यांकडून कमेंटचा वर्षाव होत आहे.