"म्हणून हा प्रयोग केला....", संकर्षण कऱ्हाडेने शेअर केली पोस्ट, नेटकरी म्हणाले....

संकर्षणच्या या पोस्टवर कमेंट कर एका यूजरने कधी तरी आम्हाला पण तुमच्या या प्रयोगामध्ये रोल द्या ना अशी थेट मागणी केलीय.

मराठी कलाविश्वातील लोकप्रिय अभिनेता, कवी आणि उत्तम सूत्रसंचालक म्हणून नाव कमावणारा अभिनेता म्हणजे संकर्षण कऱ्हाडे (sankarshan karhade). आपल्या कलागुणांमुळे संकर्षण अल्पावधीत लोकप्रिय झाला. त्यामुळे आज त्याचा प्रचंड मोठा चाहतावर्ग असल्याचं पाहायला मिळतं. नाटक, मालिका अशा विविध माध्यमातून त्याने प्रेक्षकांची मनं जिंकली. संकर्षण सोशल मीडियावर प्रचंड अ‍ॅक्टिव्ह आहे. त्याने एखादी पोस्ट शेअर केली रे केली की ती व्हायरल झालीच समजा. संकर्षणच्या नव्या पोस्टनं नेटकऱ्यांचं लक्ष वेधून घेतलं आहे. 

सध्या संकर्षण, प्रशांत दामले यांच्यासोबत नियम व अटी लागू या नव्या नाटकाचे प्रयोग करत आहे. सोबतचं त्याचं स्पृहा जोशीसोबत संकर्षण Via स्पृहा ….”चं प्रयोगही जोरात सुरु आहेत.  यादरम्यान संकर्षणची एक पोस्ट सोशल मीडियावर व्हायरल होतेय. संकर्षणने सोशल मीडियावर हातात शेवपरी असलेले एक फोटो शेअर केला आहे. संकर्षण हातातील शेवपुरीच्या प्लेटकडे आश्चर्याने पाहतो आहे. 

संकर्षणने हा फोटो शेअर करताना कॅप्शनमध्ये लिहिले,  आज नाटकाचा प्रयोग नव्हता म्हणुन हा प्रयोग केला. शेवपूरी केली इतकी भारी झालीये ; शप्पथ येताय का खायला ….????'' संकर्षणाच्या या पोस्टवर चाहत्यांनी लाईक्स आणि कमेंट्सचा पाऊस पाडलायं. एका यूजरने लिहिले,  परभणी सारखी एवढी मोठी मटकी टाकली की नाही.... . शेवपुरी ची प्लेट एवढी स्वच्छ नसते..... चव येत नाही.' आणखी एक यूजरने लिहिले, कधी तरी आम्हाला पण तुमच्या या प्रयोगा मध्ये रोल द्या ना.  

चित्रपट, मालिका आणि नाटक अशा तिन्ही क्षेत्रात त्याने आपल्या अभिनयाने प्रेक्षकांच्या मनात घर केले आहे. काही महिन्यांपूर्वी त्याच्या झी मराठीवरील ‘माझी तुझी रेशीमगाठ’ या मालिकेने प्रेक्षकांचा निरोप घेतला आहे.