'सुंदरा मनामध्ये भरली' मालिकेतील या अभिनेत्रीने सोडली मालिका, धक्कादायक कारण आले समोर

या अभिनेत्रीने सुंदरा मनामध्ये भरली मालिका सोडण्याचे धक्कादायक कारण आले समोर

कलर्स मराठी वाहिनीवरील लोकप्रिय मालिका सुंदरा मनामध्ये भरलीला आता जवळपास एक वर्ष पूर्ण होऊन गेले आहे. या मालिकेतील सर्वच पात्रांना प्रेक्षकांची पसंती मिळते आहे. मात्र काही दिवसांपासून मालिकेतील हेमा जहागिरदार या भूमिकेत आता नवीन अभिनेत्री पाहायला मिळते आहे. मग जुनी अभिनेत्री कुठे गेली? तिने मालिका का सोडली? असे अनेक प्रश्न प्रेक्षकांना पडले होते. सुंदरा मनामध्ये भरली या मालिकेत हेमा जहागिरदारची भूमिका अभिनेत्री प्रमिती प्रीत साकारत होती. परंतु आता एका पोस्टद्वारे तिने मालिका सोडल्याचे धक्कादायक कारण सांगितले आहे.

अभिनेत्री प्रमिती प्रीत हिने सुंदरा मनामध्ये भरली या मालिकेत काम करण्यापूर्वी तू माझा सांगाती आणि गर्जा महाराष्ट्र या मालिकेत काम केले आहे. तिने एका मराठी चित्रपटात काम देखील केले आहे. तू माझा सांगाती मालिकेत तुकाराम महाराजांची पत्नी आवलीची भूमिका प्रेक्षकांना खूपच आवडली होती. सुंदरा मनामध्ये भरली या मालिकेत ती काही दिवसांपासून दिसत नव्हती. त्यामागचे कारण नुकतेच तिने सांगितले आहे. ती म्हणाली की, “माझे आयुष्य काल वेगळे होते, आणि आज ते खूप वेगळे आहे. मी आता माझ्या जवळच्या प्रोजेक्टचा भाग नाही,सुंदरा मनामध्ये भरली. हे लिहिताना मला सर्व अश्रू अनावर झाले आहेत. पण शो पुढे गेलाच पाहिजे. मी त्यात आहे किंवा नाही हे माझे हृदय सुंदरासोबत नेहमीच असेल. 

ती पुढे म्हणाली की, सुंदरा मनमध्ये भरली सोबतचे हे वर्ष एक अद्भुत प्रवास आहे. मला त्यातील प्रत्येक सेकंदावर प्रेम होते. सर्वांचे खूप आभार. मी आता माझ्या आरोग्यासाठी सामोरे जाण्यासाठी थोडा वेळ घेईन. आपण हेमाला दिलेल्या सर्व प्रेमाबद्दल धन्यवाद. माझे तुमच्या सर्वांवर प्रेम आहे.” 
बऱ्याच दिवसापासून प्रमितीच्या चेहऱ्यावर इन्फेक्शन होत असल्याचे दिसून आले. मालिकेत मेकअप केल्याने ते इन्फेक्शन आणखीनच वाढत होते. या कारणामुळेच तिने ही मालिका सोडली असल्याचे बोलले जात आहे.