"जबरदस्ती तो करू शकत नाही..", श्रेया बुगडेची ती पोस्ट चर्चेत

श्रेयाने एक पोस्ट शेअर केली आहे, जी सोशल मीडियावर चर्चेत आली आहे.

श्रेया बुगडे (Shreya Bugde ) हे नाव आजच्या घडीला कोणत्याही व्यक्तीसाठी नवीन नाही. विनोदाच्या जगतात स्त्रीदेखील मागे नाहीत हे श्रेयाने दाखवून दिलं. त्यामुळे चला हवा येऊ द्या या कार्यक्रमामधील ती हुकमी एक्का असल्याचं पाहायला मिळतं. या शोच्या माध्यमातून घराघरात पोहोचलेली श्रेया सोशल मीडियावरही कमालीची सक्रीय आहे. त्यामुळे बऱ्याचदा ती काही नवनवीन पोस्ट शेअर करत असते. सध्या श्रेया बुगडेची सोशल मीडियावरील पोस्ट चर्चेत आली आहे. 

 श्रेयाने कुशल बद्रिकेबद्दल एक पोस्ट शेअर केली आहे. अलिकडेच झी मराठी अवॉर्ड्स २०२२ ची नॉमिनेशन पार्टी मुंबईत पार पडली. यापार्टीला श्रेया बुगडेने हजेरी लावली होती. वेस्टर्न ड्रेसमध्ये श्रेया खूपच सुंदर दिसत होती. तिचे फोटो सोशल मीडियावर व्हायरल झाले होते. नुकतंच तिने इन्स्टाग्रामवर या लूकमधील फोटोंचा एक व्हिडीओ शेअर केला आहे. या व्हिडीओला दिलेल्या कॅप्शनने सर्वांचेच लक्ष वेधून घेतले आहे.

व्हिडीओ शेअर करत श्रेयानं लिहिले, ''कुशल बद्रिकेने माझ्या फोन मधून माझे फोटो जबरदस्तीने घेऊन, त्याचा 1 video बनवला आहे, आणि मला तो पोस्ट करण्याची जबरदस्ती केली आहे, म्हणुन मी हा व्हिडीओ पोस्ट करत आहे.
पण तुम्हाला लाइक्स आणि कमेंट्स करण्याची जबरदस्ती तो करू शकत नाही. म्हणुन मी देवाचे आभार मानते.''

View this post on Instagram

A post shared by Shreya Bugde Sheth🦄 (@shreyabugde)

श्रेया बुगडची ही पोस्ट सोशल मीडियावर चांगलीच व्हायरल होतेय. ''वा.. वा…. काय जबरदस्त video केलाय मी, शाब्बास रे माझा मला.'' अशी कमेंट यावर  कुशल बद्रिकेने केली आहे.

दरम्यान अभिनेता कुशल बद्रिके आणि श्रेया बुगडे यांची मैत्री तुम्हाला ठाऊक आहेच. दोघे फक्त ऑनस्क्रीन नाही तर ऑफस्क्रीनही धमाल मस्ती करत असतात.