सीआयडीमधील या अभिनेत्रीसोबत होते दयानंद शेट्टीचे अफेअर, सिंगल मदर बनून आता करत आहे त्याच्या मुलीचा सांभाळ

स�

��आयडी या मालिकेत दया ही व्यक्तिरेखा दयानंद शेट्टी साकारत आहे. या मालिकेमुळे द्यानंदला चांगलीच लोकप्रियता मिळाली. ही त्याची पहिलीच मालिका असली तरी त्याची व्यक्तिरेखा प्रेक्षकांनी डोक्यावर घेतली होती. या मालिकेला नुकतेच २० वर्षं पूर्ण झाले आहेत. या मालिकेत सुरुवातीच्या काळात मोना आंबेगांवकरने देखील काम केले होते. तुम्हाला माहीत आहे का, या मालिकेच्या चित्रीकरणाच्या दरम्यान दया आणि मोना यांच्यात अफेअर सुरू झाले होते. मोना आणि दया यांना एक मूल देखील असल्याचे म्हटले जाते. मोनाने सीआयडी या मालिकेत तीन-चार वर्षं काम करून या मालिकेला रामराम ठोकला.




मोना ही एक सिंगल मदर असून तिच्या मुलींचा सांभाळ ती खूपच चांगल्या प्रकारे करत आहे. डिसेंबर २००५ मध्ये तिने मुलीला जन्म दिला होता. मोनाचे हे मूल कोणाचे आहे यावर तिने मीडियाशी बोलणे नेहमीच टाळले आहे. मोनाचे हे मूल दयाचे असल्याचे म्हटले जाते. दयाचे लग्न स्मिता शेट्टीशी झाले असून त्या दोघांना एक मुलगी देखील आहे. पण स्मिताशी लग्न झाल्यानंतर काही वर्षांनी दयाच्या आयुष्यात मोना आली होती. मोना आणि दयाच्या मुलीविषयी मोनाच्या इंडस्ट्रीमधील जवळच्या सगळ्या मित्रांना माहीत आहे. पण दयाने याविषयी मौन राखणेच पसंत केले आहे. मोना ही सिंगल मदर असल्याने मुलीचा सांभाळ करणे तिच्यासाठी आर्थिकदृष्ट्या सोपे नाहीये. पण तरीही ती मुलीला प्रत्येक गोष्ट देण्याचा प्रयत्न करते. ती तिच्या मुलीबद्दल खूप प्रोटेक्टिव्ह असून तिच्या खाजगी आयुष्याबद्दल ती न बोलणेच पसंत करते.
मोनाने सीआयडी या मालिकेत डॉ. अंजलिका देशमुख ही व्यक्तिरेखा साकारली होती. या व्यक्तिरेखेला प्रेक्षकाची चांगली पसंती देखील मिळाली होती. एका सामान्य मराठी कुटुंबात मोनाचा जन्म झाला होता. पण तिने तिच्या अभिनय कौशल्याने मराठी आणि हिंदी इंडस्ट्रीत तिची एक जागा निर्माण केली. तिने आजवर धडकन, अंबर धारा यांसारख्या मालिकांमध्ये काम केले आहे. राणी मुखर्जीच्या मर्दानी या चित्रपटात देखील तिने काम केले होते. बिनधास्त या चित्रपटातील तिच्या भूमिकेचे तर चांगलेच कौतुक झाले होते. 

Also Read : सीआयडी या मालिकेतील कलाकारांना एका दिवसाच्या चित्रीकरणासाठी मिळते इतकी मोठी रक्कम