Aditya Singh Rajput Death : आदित्य सिंगचा बाथरुममध्ये आढळला मृतदेह, ५ दिवसांपूर्वीची इन्स्टाग्राम पोस्ट व्हायरल

अभिनेत्याची शेवटची इन्स्टाग्राम पोस्ट आता व्हायरल होत आहे.

Aditya Singh Rajput Death :  प्रसिद्ध अभिनेता, मॉडेल आणि कास्टिंग डायरेक्टर आदित्य सिंग राजपूत (Aditya Singh Rajput) याचा रहस्यमयरित्या मृत्यू झाला आहे. सोमवारी दुपारी अंधेरी येथील त्याच्या घरातील बाथरूममध्ये तो मृतावस्थेत आढळला. आदित्यच्या मित्राला तो इमारतीच्या ११ व्या मजल्यावर असलेल्या घरात मृतावस्थेत आढळला. यानंतर, मित्र आणि इमारतीच्या वॉचमनने त्याला रुग्णालयात नेले, जिथे अभिनेत्याला मृत घोषित करण्यात आले. अभिनेत्याची शेवटची इन्स्टाग्राम पोस्ट आता व्हायरल होत आहे.

आदित्य सिंग राजपूतने ५ दिवसांपूर्वी एक व्हिडिओ पोस्ट केला होता. या व्हिडिओत तो आपल्या चाहत्यांना विचारतो की आनंद नक्की काय आहे? यावर तो म्हणतो, "आईच्या हातचं जेवण, पाळीव प्राण्याबरोबर वेळ घालवणं, आपल्या जवळच्या मित्रांना भेटणं. पण आजकाल पैसे सुद्धा महत्वाचे आहेत. त्याहून महत्वाचं आहे छोट्या छोट्या गोष्टीत आनंद शोधणं."

View this post on Instagram

A post shared by Aditya Singh Rajput OFFICIAL (@adityasinghrajput_official)

आदित्यला इन्स्टाग्रामवर ५ लाखांपेक्षा जास्त लोक फॉलो करत होते. त्याच्या अकस्मात मृत्यूने आता बरेच प्रश्न उपस्थित झाले आहेत. त्याने ड्रग्स घेतले होते का, त्याला कोणी जबरदस्ती डोस दिला का, तो बराच वेळ बाथरुममधून बाहेर आला नाही तेव्हा कोणीच कसं लक्ष दिलं नाही असे अनेक प्रश्न लोक विचारत आहेत. आदित्यच्या मृत्यूने सर्वांनाच धक्का बसला आहे.