Bigg Boss 16 नंतर शिव ठाकरेला लागली मोठी लॉटरी, 'खतरों के खिलाडी'नंतर मिळाला आणखी एक प्रोजेक्ट

Shiv Thakare : शिव ठाकरेने 'बिग बॉस १६'ची ट्रॉफी जिंकली नसली तरी 'बिग बॉस' सोडल्यानंतर त्याला मोठी लॉटरी लागली आहे.

बिग बॉस १६(Bigg Boss 16)च्या माध्यमातून घराघरात पोहचलेला शिव ठाकरे (Shiv Thakare) सध्या चर्चेत आहेत. त्याची एक झलक पाहण्यासाठी लोकांची गर्दी होते. एवढेच नाही तर सोशल मीडियावर त्याला प्रेक्षकांचे भरभरून प्रेमही मिळत आहे. शिव ठाकरेने 'बिग बॉस १६'ची ट्रॉफी जिंकली नसली तरी 'बिग बॉस' सोडल्यानंतर त्याला लॉटरी लागली आहे. वास्तविक, यापूर्वी शिवाविषयी बातमी होती की तो 'खतरों के खिलाडी १३' मध्ये दिसणार आहे. पण आता लवकरच त्याला सलमान खानच्या सिनेमातही पाहण्याची संधी मिळणार असल्याचे वृत्त समोर येत आहे.

स्वत: शिव ठाकरेने सलमान खानच्या चित्रपटाशी संबंधित माहिती चाहत्यांना दिली आहे. वास्तविक, लाइव्ह चॅटमध्ये शिव ठाकरेने चाहत्यांना त्याला आलेल्या ऑफर्सबद्दल चर्चा केली. याबद्दल बोलताना तो म्हणाला की, मला 'खतरों के खिलाडी १३'ची ऑफर मिळाली आहे. यासोबतच शिवला सलमान खानच्या सिनेमाची ऑफरही आली आहे. 'बिग बॉस १६'च्या स्पर्धकाने सांगितले की, लवकरच तो चित्रपटाच्या संदर्भात निर्मात्यांशी संवाद साधणार आहे. शिव कोणत्या चित्रपटात सलमान खान सोबत दिसणार हे पाहणे उत्सुकतेचे ठरणार आहे.

शिव ठाकरे लवकरच एका म्युझिक व्हिडिओमध्ये दिसणार आहेत. या म्युझिक व्हिडिओमध्ये त्याच्यासोबत अभिनेत्री निमरत कौर अहलुवालिया दिसणार आहे. याशिवाय शिव ठाकरे एकता कपूरच्या 'लॉकअप २'मध्ये दिसणार असल्याच्याही चर्चा सुरू आहेत.

'बिग बॉस १६'मध्ये शिव ठाकरे व्यतिरिक्त प्रियंका चहर चौधरी हिच्या हातात एक चित्रपट आला आहे. शाहरुख खानच्या 'डंकी' या चित्रपटात ती महत्त्वाच्या भूमिकेत दिसणार आहे. याशिवाय निमृत कौर अहलुवालिया एकता कपूरच्या LSD 2 मध्ये दिसणार आहे.