मुग्धा-प्रथमेशनंतर आता 'रंग माझा वेगळा'मधील ही अभिनेत्री लवकरच बांधणार लग्नगाठ, ग्रहमख सोहळा पडला पार

'सा रे ग म प लिटिल चॅम्प्स' फेम मुग्धा वैशंपायन आणि प्रथमेश लघाटे यांनी २१ डिसेंबर रोजी चिपळूणमध्ये विवाहसोहळा पार पडला. त्यांच्यानंतर आता छोट्या पडद्यावरील आणखी एक अभिनेत्री लवकरच लग्नगाठ बांधणार आहे.

सध्या मराठी मनोरंजनसृष्टीत लग्नाचे वारे वाहताना दिसत आहेत. अमृता देशमुख-प्रसाद जवादे, सुरूची अडारकर-पियुष रानडे यांनी नुकतीच लग्नगाठ बांधली. त्यानंतर 'सा रे ग म प लिटिल चॅम्प्स' फेम मुग्धा वैशंपायन आणि प्रथमेश लघाटे यांनी २१ डिसेंबर रोजी चिपळूणमध्ये विवाहसोहळा पार पडला. त्यांच्या लग्नाचे फोटो सोशल मीडियावर व्हायरल होताना दिसत आहेत. दरम्यान आता आणखी एक अभिनेत्री लवकरच लग्नगाठ बांधणार आहे. ही अभिनेत्री रंग माझा वेगळा मालिकेत दीपाची मैत्रिण साक्षीची भूमिका साकारणारी मानसी घाटे (Manasi Ghate). नुकताच तिचा ग्रहमख सोहळा पार पडला. 

अभिनेत्री मानसी घाटे लवकरच विवाहबंधनात अडकणार आहे. ती कोणासोबत लग्न करणार आहे, हे जाणून घेण्यासाठी तुम्ही उत्सुक असाल ना. तर ती आकाश पंडीतसोबत लग्नगाठ बांधणार आहे. नुकतेच तिचा ग्रहमख सोहळा पार पडला. त्याचे फोटो सोशल मीडियावर पाहायला मिळत आहे. यावेळी तिने गुलाबी रंगाची साडी नेसलेली पाहायला मिळत आहे.

२५ डिसेंबरला पार पडणार लग्नसोहळा
मानसी घाटेचा आज मेहंदी सेरेमनी आहे आणि उद्या हळदीचा कार्यक्रम आहे. २५ डिसेंबर रोजी ती आकाश पंडीतसोबत लग्न करणार आहे. हा विवाह सोहळा मुंबईत पार पडणार आहे.

कोण आहे तिचा होणारा नवरा?
मानसी घाटेचा नवरा आकाश पंडीत हा सिनेइंडस्ट्रीतलाच आहे. तो लाइटिंग डिझायनर म्हणून कार्यरत आहे. नुकताच सुहाना खान, अगस्त्य नंदाचा रिलीज झालेला आर्चीजसाठी काम केले आहे. 

वर्कफ्रंट...
मानसी घाटेच्या वर्कफ्रंटबद्दल सांगायचं तर ती रंग माझा वेगळा या मालिकेतून साक्षीच्या भूमिकेतून ती घराघरात पोहचली आहे. तिची ही पहिलीच मालिका आहे.