स्वानंदीनंतर आता 'दिल दोस्ती दुनियादारी' फेम अभिनेता अडकणार लग्नबेडीत?, म्हणाला…

Dil Dosti Duniyadari : छोट्या पडद्यावरील 'दिल दोस्ती दुनियादारी' या मालिकेने  प्रेक्षकांचा निरोप घेतला असला तरी ही मालिका आजही प्रेक्षकांच्या मनात घर करून आहे.

छोट्या पडद्यावरील 'दिल दोस्ती दुनियादारी' (Dil Dosti Duniyadari) या मालिकेने  प्रेक्षकांचा निरोप घेतला असला तरी ही मालिका आजही प्रेक्षकांच्या मनात घर करून आहे. या मालिकेतील सगळेच पात्र घराघरात पोहचले आहेत. या मालिकेत मैत्रीवर भाष्य करण्यात आले होते. तरुणांपासून मोठ्यांपर्यंत सर्वांनीच या मालिकेला पसंती दर्शवली होती. दरम्यान मालिकेतील अभिनेत्री स्वानंदी टिकेकर(Swanandi Tikekar)चा नुकताच साखरपुडा पार पडला. त्यानंतर आता याच मालिकेतील अभिनेता पुष्कराज चिरपुटकर(Pushkraj Chirputkar)देखील लग्नबेडीत अडकणार असल्याची चर्चा सगळीकडे रंगली आहे.  

पुष्कराजने 'दिल दोस्ती दुनियादारी' या मालिकेत आशुतोष शिवलकरची भूमिका साकारली होती. त्याची ही भूमिका सर्वांना भावली होती. या मालिकेतल्या स्वानंदी टिकेकरचा नुकताच गायक आशिष कुलकर्णीसोबत साखरपुडा पार पडला. त्यानंतर आता पुष्कर पण लवकर लग्न करणार असल्याचं बोललं जातंय. याबाबत त्याने एका मुलाखतीत सांगितले की, 'लग्नाबद्दल सध्या मी कोणताही विचार केलेला नाही. नवरा व्हायचे की नाही हे समजत नाही.  किरकोळ मी कधीही असतोच. कोणाच्याही आयुष्यात असलो तरी मी किरकोळ असतोच हे मी मान्य केले आहे. त्यामुळे नवरा झालो तरी मी किरकोळच होणार यात काही शंका नाही.

View this post on Instagram

A post shared by Marathi Dhamaal (@marathidhamaal)

पुष्कराज दिसणार या नाटकात

पुष्कराज स्वतःला किरकोळ का म्हणतो आहे, असा सवाल अनेकांना पडला असेलच. तर तो त्याच्या नाटकाचं प्रमोशन करतो आहे. त्याच्या नव्या नाटकाचं नाव आहे किरकोळ नवरे.या नाटकात पुष्कराजसोबत अभिनेत्री अनिता दातेही मुख्य भूमिकेत दिसणार आहे. 

वर्कफ्रंटबद्दल 
पुष्कराजच्या वर्कफ्रंटबद्दल सांगायचं तर त्याने २०११ साली आजोबा वयात आले या चित्रपटातून मराठी सिनेइंडस्ट्रीत पदार्पण केले. त्यानंतर टीटीएमएम, मुंबई डायरीज 26/11, मी वसंतराव या चित्रपटांमध्ये देखील झळकला होता. त्याला खरी ओळख दिल दोस्ती दुनियादारी मालिकेतून मिळाली. पुष्कराज अभिनेत्यासोबतचं एक उत्तम सुत्रसंचालक देखील आहे.