साखरपुड्यानंतर पाठकबाईंचा पहिला वाढदिवस राणादानं केला हटके अंदाजात साजरा

Hardik Joshi And Akshaya Deodhar: ३ मे रोजी अक्षय्य तृतीयेच्या मुहुर्तावर हार्दिक जोशी आणि अक्षया देवधर यांचा साखरपुडा पार पडला.

'तुझ्यात जीव रंगला' मालिकेतील अंजलीबाई आणि राणादा ही जोडी घराघरात पोहोचली. या मालिकेने आता निरोप घेऊन बराच काळ उलटून गेला असला तरी आजही या दोघांचे प्रेक्षकांच्या मनातील स्थान कायम आहे. अंजलीबाईंची भूमिका अक्षया देवधर हिने साकारली होती तर राणादाची भूमिका हार्दिक जोशीने निभावली होती. या मालिकेतील या जोडीची केमिस्ट्री चाहत्यांना खूप भावली होती. दरम्यान, आता अक्षया देवधर आणि हार्दिक जोशी यांनी खऱ्या आयुष्यात एकत्र राहण्याचा निर्णय घेतला आहे. ३ मे रोजी अक्षय्य तृतीयेच्या मुहुर्तावर हार्दिक-अक्षया यांचा साखरपुडा पार पडला. सध्या सोशल मीडियावर अंजली बाई आणि राणा दा या गाजलेल्या रिल लाईफ कपलचे रिअल लाईफ एंगेजमेन्टचे फोटो आणि व्हिडीओ धुमाकूळ घालताना दिसत आहेत.

आज अक्षयाचा वाढदिवस असून साखरपुडा झाल्यानंतर हार्दिकने अक्षयाला पहिल्यांदाच वाढदिवसाचे सरप्राईज दिले आहे. याचे काही व्हिडीओज आणि फोटो अक्षयाने तिच्या इन्स्टाग्राम स्टोरीजवर शेअर केले आहेत. याशिवाय वाढदिवसानिमित्त हार्दिकने अक्षयासाठी एक खास पोस्ट शेअर केली आहे. बर्थडे सरप्राईजचे फोटो शेअर करत त्याने, A very happy birthday to you my love N precious person... असं कॅप्शन दिले आहे. 

हार्दिक-अक्षया ३ मे रोजी अक्षय्य तृतीयाच्या मुहूर्तावर साखरपुडा करत चाहत्यांना सुखद धक्का दिला होता. तुझ्यात जीव रंगलामधील सर्वांचं लाडकं कपल राणादा आणि पाठक बाई यांचा खऱ्या आयुष्यात देखील एकमेकांत जीव रंगला. या दोघांच्या साखरपुड्याचा फोटो सोशल मीडियावर प्रचंड व्हायरल होत आहेत. साखरपुड्यानंतर अक्षयाने हार्दिकसाठी एक रोमॅण्टिक व्हिडीओ देखील शेअर केला होता. या व्हिडीओमध्ये अक्षयाने 'तुझ्यात जीव रंगला' या मालिकेपासून त्यांच्या साखरपुड्यापर्यंतचे सर्व सुंदर क्षणांचे अनेक फोटो कोलाज केले आहेत.