तारक मेहता मधील या कलाकारांचा वाद आला चव्हाट्यावर, सोशल मीडियावर केले एकमेकांना अनफॉलो

तारक मेहता का उल्टा चष्मा या मालिकेतील कलाकारांमध्ये याआधी देखील वाद झाले आहेत.

ठळक मुद्देतारक मेहता का उल्टा चष्मा या मालिकेत जेठालालच्या मुलाच्या म्हणजेच टप्पूच्या भूमिकेत आपल्याला राज अंदकतला पाहायला मिळत आहे

तारक मेहता का उल्टा चष्मा या मालिकेची टीम ही प्रचंड मोठी असून या मालिकेमुळे सगळ्याच कलाकारांना चांगलीच लोकप्रियता मिळाली आहे. या मालिकेत जेठालालच्या भूमिकेत आपल्याला दिलीप जोशीला पाहायला मिळत आहे. दिलीपने या मालिकेच्याआधी अनेक चित्रपट, मालिकांमध्ये काम केले असले तरी या मालिकेमुळे त्याला खऱ्या अर्थाने लोकप्रियता मिळाली. या मालिकेमुळे त्याला प्रेक्षक जेठालाल म्हणूनच ओळखायला लागले. 

तारक मेहता का उल्टा चष्मा या मालिकेत जेठालालच्या मुलाच्या म्हणजेच टप्पूच्या भूमिकेत आपल्याला राज अंदकतला पाहायला मिळत आहे. मालिकेत वडील आणि मुलामध्ये खूपच चांगले नाते असल्याचे दाखवण्यात आले आहे. पण खऱ्या आयुष्यात दिलीप जोशी आणि राज यांच्या अजिबातच पटत नसल्याचे म्हटले जात आहे.

कोईमोईनं दिलेल्या वृत्तानुसार, राज अनेकवेळा सेटवर उशिरा येतो. तसेच त्याचे संवाद तो योग्यप्रकारे पाठ करत नाही. यामुळे चित्रीकरणास विलंब होता आणि याचा त्रास दिलीप जोशीला होत असल्याचे म्हटले जात आहे.

त्यांचा वाद आता इतका विकोपाला गेला आहे की, या सगळ्यामुळे आता या दोघांनी एकमेकांना सोशल मीडिया अकाउंट्सवरुन अनफॉलो केलं आहे.