ठरलं तर मग! अमृता देशमुख-प्रसाद जवादे या ठिकाणी बांधणार लग्नगाठ

Amruta Deshmukh-Prasad Jawade : मराठी सिनेइंडस्ट्रीतील एक जोडी लवकरच लग्नगाठ बांधणार आहे. ही जोडी म्हणजे अमृता देशमुख आणि प्रसाद जवादे.

मराठी सिनेइंडस्ट्रीतील एक जोडी लवकरच लग्नगाठ बांधणार आहे. ही जोडी म्हणजे अमृता देशमुख (Amruta Deshmukh) आणि प्रसाद जवादे (Prasad Jawade). या दोघांनी काही दिवसांपूर्वी इन्स्टाग्रामवर फोटो शेअर करत साखरपुड्याची घोषणा केली होती. प्रसाद-अमृतामध्ये ‘बिग बॉस’च्या घरात घट्ट मैत्री झाल्याचे पाहायला मिळाले होते. २२ जुलैला दोघांनीही गुपचूप साखरपुडा केला आणि फोटो शेअर करत लग्नाच्या तारखेची घोषणा केली. दरम्यान आता एका मुलाखतीत त्यांनी लग्नाच्या ठिकाणाबद्दल सांगितले आहे.

बिग बॉस मराठीच्या चौथ्या सीझनमध्ये अमृता देशमुख आणि प्रसाद जवादे यांची जोडी प्रेक्षकांच्या पसंतीस पडली होती. बिग बॉसनंतरही अमृता आणि प्रसाद एकमेकांना डेट करत होते. अनेकदा ते सोशल मीडियावर एकमेकांबरोबरचे फोटो शेअर करताना दिसायचे. काही दिवसांपूर्वी त्यांनी प्रेमाची कबुली देत साखरपुडा केल्याचे सांगितले होते. याबरोबरच त्यांनी लग्न करणार असल्याचंही सांगितले. 

अमृता आणि प्रसाद १८ नोव्हेंबरला लग्नबंधनात अडकणार आहेत. राजश्री मराठीला दिलेल्या मुलाखतीत अमृताने लग्नाचे ठिकाण सांगितले आहे. अमृता देशमुख म्हणाली की, आम्हाला दोघांनाही मोकळ्या जागेत लग्न करण्याची इच्छा होती. त्यामुळे आमच्या लग्नासाठी आम्ही एक ओपन रिसॉर्ट बुक केले आहे. आमच्या लग्नाला येणाऱ्या पाहुण्यांना छान अशा निसर्गरम्य वातावरणाचा आनंद घेता येईल. एकंदर आमचं लग्न निसर्गाच्या सानिध्यात पार पडणार आहे. लग्न साध्या सुंदर पद्धतीने पार पडण्यासाठी आम्ही प्रयत्न करत आहोत.