अनिता भाभी का बनली इच्छाधारी नागिन ?

र�

��पेरी पडदा असो किंवा छोटा पडदा जेव्हा जेव्हा नागिन अवतरली तेव्हा तेव्हा धुमाकूळ झाला. नागिनवर आधारित अनेक सिनेमा आणि मालिका रसिकांनी डोक्यावर घेतले. सध्या छोट्या पडद्यावर नागिन 2 आणि इच्चाप्यारी नागिन या दोन्ही नागिनवर आधारित मालिका सध्या रसिकांचे भरघोस मनोरंजन करतायेत. त्यात आता आणखीन एका नागिनची भर पडणार आहे. नागिनवर आणखी नवीन मालिका सुरू होतेय की काय असे कदाचित तुम्हाला वाटले असणार मात्र असे काहीही नसून आता भाभीजी घर पर है मालिकेत अनिता भाभी नागिनच्या अंदाजात दिसणार आहे. त्याचे झाले असे की तिवारीजी विभूतीला नागिन विषयी घाबरवतात. आधीच नागिनचे नाव जरी घेतले तरी विभूतीचा थरकाप उडतो. तिवारीजी विभूतीजीला सांगतात की, नागिन कोणालाही सोडत नाही बदला घेण्यासाठी ती पुन्हा वेगवगळ्या रूपात येते. त्याचप्रमाणे विभूतीकडून नागिन बदला घेण्यासाठी येणार आणि त्याला मारून टाकणार असे सांगतो. अशा प्रकारचा ट्रॅक मालिकेत पाहायला मिळणार आहे. याविषयी अनिता म्हणजेच सौम्या टंडनने सांगितले की, नागिनचा मजेशीर ट्रॅक नेमका काय आहे हे तुम्हाला मालिका पाहूनच कळेल, नेहमी प्रमाणे जसे सेलिब्रेटी येतात रसिकांना हसवतात त्याचप्रकारे इच्छाधारी नागिन बनत मी मालिकेत एंट्री घेणार आहे. नागिनहा तसा सा-यांसाठी इंटरेस्टींग विषय असल्यामुळे सध्या मी नागिन बनतच सेटवर वावरतेय. खरं सांगायला गेले तर मी नागिनचा रोल खूप एन्जाॉय करत असल्याचे ही पुढे सौम्याने सांगितले. यासाठी मी श्रीदेवींना फॉलो केल नागिन हा सिनेमात श्रीदेवीचे चालणे,बोलणे सारे काही नागिन भूमिकेसाठी निरीक्षण केले आणि त्याचा आज खरच खूप फायदा होत असल्याचे सौम्याने सांगितले.