अंकिताने बेडवर झोपलेल्या विकीच्या अंगावरच आयेशा खानला ढकललं, म्हणाली, 'काहीही करा...'

हा व्हिडिओ सध्या सोशल मीडियावर व्हायरल होतोय.

बिग बॉस 17 मध्ये सध्या अंकिता लोखंडे (Ankita Lokhande) आणि विकी जैन (Vicky Jain) या नवरा बायकोची भांडणं चव्हाट्यावर आली आहेत. रोजच ही भांडणं कमी व्हायच्या ऐवजी वाढतच चालली आहेत. दोघंही एकमेकांची खेचण्यात आणि एकमेकांना कमी लेखण्यात कोणतीच कसर सोडत नाहीत. नुकतंच विकीची आई अंकिताला खडसावून गेली. तेव्हा विकीने अंकिताची बाजू न घेतल्याने करण जोहरने त्याला विकेंड का वारमध्ये चांगलंच खडसावलं. आता नुकत्याच व्हायरल होत असलेल्या व्हिडिओमध्ये अंकिता पुन्हा एकदा भडकलेली दिसत आहे. बेडवर झोपलेल्या विकीवर अंकिता आयेशा खानला ढकलते. हा व्हिडिओ सध्या सोशल मीडियावर व्हायरल होतोय.

'बिग बॉस'च्या एका एपिसोडचे काही क्लिप्स व्हायरल होत आहेत. यामध्ये विकी बेडवर पडलेला आहे तर अंकिता बाजूला बसलेली आहे. तर आयेशा खान त्यांच्यासमोरच चकरा मारत आहे. यावेळी विकी विचारतो 'मी असा झोपलेला कसा दिसतोय?' विकीच्या अशा प्रश्नावर अंकिता भडकते. असा प्रश्न कोणी कसं विचारु शकतं असं ती म्हणते. नंतर आयेशा अंकिताला नाटकीपणाने विचारते,'मला विकीसोबत पाहून तुला चांगलं नाही वाटत का?' यावर अंकिता आयेशा खानला विकीच्या दिशेने ढकलते आणि म्हणते जा काहीही कर त्याच्यासोबत मला सगळं चांगलं वाटेल.'

#BiggBoss17 | Things Getting Worse Between #AnkitaLokhande And #VickyJain.. #AyeshaKhan Ko Masti Padi Bhari pic.twitter.com/2FZUvb6QWU

— Bollywood Spy (@BollySpy) January 15, 2024

अंकिता विकीला म्हणते, 'तू मस्ती करतोय माहित आहे पण एक मर्यादा असली पाहिजे.' यावर विकी म्हणतो,'ही जी तुझी रिअॅक्शन होती ना त्यामुळेच सगळं खराब होतं.' अंकिता परत भडकते आणि म्हणते,'मी काय रिअॅक्शनच देऊ नका का. अशीच डेड राहू का?'

सध्या अंकिता लोखंडेला चाहते आणि मनोरंजनसृष्टीतील कलाकारांचा खूप पाठिंबा मिळत आहे. अंकिता बिग बॉस 17 च्या विजेतेपदाची प्रबळ दावेदारही मानली जात आहे. मात्र मुन्नावर फारुकीची तिला टक्कर असणार आहे. काही दिवसात येणाऱ्या बिग बॉसच्या ग्रँड फिनालेची सर्वांनाच उत्सुकता आहे.