'अप्पी आमची कलेक्टर'फेम अर्जुन लवकरच होणार बाबा; रिअल लाइफ अप्पीने दिली गुडन्यूज

Rohit parshuram: अर्जुनने सोशल मीडियावर एक पोस्ट शेअर करत चाहत्यांना ही गुडन्यूज दिली आहे.

छोट्या पडद्यावर सध्या गाजत असलेली मालिका म्हणजे 'अप्पी आमची कलेक्टर' (appi amchi collctor).  अलिकडेच सुरु झालेली ही मालिका अल्पावधीत लोकप्रिय झाली. त्यामुळे सोशल मीडियावर या मालिकेची आणि त्यातील कलाकारांची सारखी चर्चा रंगत असते. यात सध्या मालिकेतील अर्जुनची चर्चा रंगली आहे. अर्जुनच्या रिअल लाइफ अप्पीने नुकतीच एक गुडन्यूज शेअर केली आहे.

अप्पी आमची कलेक्टर या मालिकेत अभिनेता रोहित परशुराम (Rohit Parshurm) याने अर्जुन ही भूमिका साकारली आहे. या मालिकेतील त्याच्या बिनधास्त अंदाजामुळे तो अल्पावधीत लोकप्रिय झाला. त्यामुळे नेटकरी कायम त्याच्या प्रोफेशनल लाइफसह पर्सनल आयुष्याविषयी जाणून घेण्याचा प्रयत्न करत असतात. रोहितदेखील चाहत्यांच्या संपर्कात राहत असतो. अलिकडेच त्याने एक गुडन्यूज चाहत्यांसोबत शेअर केली आहे.

रोहित लवकरच बाबा होणार आहे. रोहितची पत्नी पूजा आव्हाड प्रेग्नंट असून लवकरच ती त्यांच्या गोंडस बाळाला जन्म देणार आहे. रोहितने इन्स्टाग्रामवर पूजाच्या मॅटर्निटी फोटोशूटचा एक फोटो शेअर केला आहे. सोबतच 'लवकरच आई-बाबा होणार', अशी माहितीही दिली आहे.

दरम्यान, रोहितची ही पोस्ट पाहिल्यावर नेटकऱ्यांनी त्यावर कमेंटचा वर्षाव करण्यास सुरुवात केली आहे. अभिनय क्षेत्रात येण्यापूर्वी रोहित बॉडीबिल्डिंग करत होता.२०१८ च्या mrs. india worldwild च्या फायनल फेरीपर्यंत त्याने मजल मारली होती.