दिव्या पुगांवकरच्या घरी नव्या पाहुण्याचं आगमन; Video शेअर करत दिली गुडन्यूज
By ऑनलाइन लोकमत | Published: December 10, 2023 11:14 AM2023-12-10T11:14:20+5:302023-12-10T11:15:07+5:30
Divya Pugaonkar: सध्या दिव्या मन धागा धागा जोडते या मालिकेत मुख्य भूमिका साकारत आहे.
दिव्या पुगांवकरच्या घरी नव्या पाहुण्याचं आगमन; Video शेअर करत दिली गुडन्यूज
स्टार प्रवाहवरील 'मुलगी झाली हो' (mulagi jhali ho) या मालिकेतून विशेष लोकप्रिय झालेली अभिनेत्री म्हणजे दिव्या पुगांवकर (divya pugavkar). या मालिकेत माऊ ही भूमिका साकारुन नावारुपाला आलेली दिव्या सध्या 'मन धागा धागा जोडते' या नव्याकोऱ्या मालिकेत झळकत आहे. उत्तम अभिनयामुळे चर्चेत येणारी दिव्या सध्या तिच्या खासगी आयुष्यामुळे चर्चेत येत आहे. दिव्याच्या घरात नुकतंच एका नव्या पाहुण्याचं आगमन झालं आहे.
सोशल मीडियावर सक्रीय असलेल्या दिव्याने नुकतीच एक आनंदाची बातमी शेअर केली आहे. दिव्याच्या घरात एका नव्या पाहुण्याचं आगमन झालं आहे. हा नवा पाहुणा म्हणजे तिची नवीकोरी कार आहे. दिव्याने एक नवीन कार खरेदी केली आहे. या गाडीचा एक व्हिडीओही तिने नेटकऱ्यांसोबत शेअर केला आहे.
Finally Our Queen Has Arrived…07 / 12 / 2023 असं कॅप्शन देत तिने गाडी खरेदी केल्याची माहिती चाहत्यांना दिली. दिव्याने suzuki xl6 ही कार खरेदी केली आहे. दिव्याने नवीन कार खरेदी केल्यामुळे चाहते तिच्यावर शुभेच्छांचा वर्षाव करत आहेत.