Rang Majha Vegla : 'प्रेक्षकांवरचा अत्याचार बंद करा..', 'रंग माझा वेगळा' मालिकेतील नवा ट्रॅक पाहून प्रेक्षक भडकले

Rang Majha Vegla : रंग माझा वेगळा मालिकेत अनपेक्षित वळणं आलं आहे. ते प्रेक्षकांना आवडलं नाही. मग अनेकांनी मालिकेला ट्रोल करायला सुरूवात केली आहे.

छोट्या पडद्यावरच्या मालिकांवर प्रेक्षक भरभरून प्रेम करतात. पण अनेकदा मालिका ट्रोलही होतात. अनेकदा मालिकेतील बदल, मालिकेतील अनपेक्षित वळणं प्रेक्षकांना आवडत नाहीत आणि मग मालिका ट्रोल होतात. सध्या अशीच एक मालिका ट्रोल होतेय. रंग माझा वेगळा मालिकेवर प्रेक्षक संतापले आहेत.

रंग माझा वेगळा मालिकेत आशुतोष गोखले आणि  रेशमा शिंदे, हर्षदा खानविलकर मुख्य भूमिकेत आहेत. मालिकेत आशुतोष कार्तिक इनामदारची भूमिका साकारतो रेशमा शिंदे दीपाची तर हर्षदा खानविलकर सौंदर्याची. रंग माझा वेगळा मालिकेत नुकताच दीपा आणि कार्तिकचा लग्नसोहळा थाटात पार पडला. दीपा आणि कार्तिकचं लग्न झाल्यावर दोघांचा सुखाचा संसार सुरु होईल असं वाटतं असतानाच मालिकेनं वगळं वळणं घेतलं. 

दीपानंतर आता कार्तिकचे पुन्हा एखदा रंग बदलताना दिसणार आहे. कार्तिक बाप होऊ शकत नाही असे खोटे रिपोर्ट श्वेता तयार करते हे सत्य सर्वांसमोर येतं. तर कार्तिक आणि दीपाच्या संसारात काड्या घालणारा आयेशाही  जेलमध्ये जाते. राधा आई देखील तिच्या चुकांची कबुली देते. मालिकेत हा मोठा ड्रामा नुकताच संपला. ड्रामा संपवून कार्तिक आणि दीपा लग्न करतात. मात्र मालिकेत पुन्हा एकदा ट्विस्ट आणत कथानकात मोठा बदल करण्यात आला आहे.
 
नुकताच मालिकेच्या एक प्रोमो समोर आला आहे. यात दीपाची मैत्रीण साक्षी हॉस्पि़टलमध्ये दीपाच्या मांडीवर अखेरचा श्वास घेताना दिसतेय. दीपाला साक्षनं तिच्या पडत्या काळात साथ दिलेली असते. कार्तिकला साक्षी दीपाचा पाठलाग करताना पाहते आणि तू तिच्यावर संशय घेतोयस सांगून त्याच्याशी भांडते. दोघांमध्ये चांगलीच बाचाबाची होते. दीपावर तू अजूनही संशय घेतोयस असं म्हणत दीपासमोर कार्तिकला खडसावते.

View this post on Instagram

A post shared by Manoranjan Marathi (@manoranjan_marathi_official)

कार्तिक दीपावर लपून छपून लक्ष का ठेवत होता असा प्रश्न प्रेक्षकांना पडलेला असताना अचानक साक्षीची मालिकेतून एक्झिट होतेय. साक्षीला कार्तिकचं माहिती असलेलं सत्य ती दीपाला सांगण्याचा प्रयत्न करत असते मात्र सांगत असतानाच तिला मृत्यू होतो. कार्तिक हा शेवटचा शब्द साक्षीच्या तोंडून निघतो. आता साक्षीला नक्की काय सांगयचं होतं हे येणाऱ्या भागात कळणार आहे.

मालिकेचा प्रोमो बघून प्रेक्षक भडकले आहेत. मालिकेला ट्रोल करत एका यूजरने लिहिले "आधी सुजय मारला, आता साक्षीला मारताय. What the hell, stop this nonsense, सत्य समोर आणल्यावर तर खूप उच्च दर्जाचा फालतूपणा करताय, बंद करा, बंद करा. प्रेक्षकांवरचा अत्याचार बंद करा". आणखी एका युझरनं म्हटलंय, "लय फालतू आहे सिरिअल बंद करा काय स्टोरी दाखवतात कायच समजत नाही चांगलं पणे दीपा कार्तिक एकत्र झाले ती श्वेताचा पर्दाफाश झाला आता चांगलं दाखवा की".