'रंग माझा वेगळा' फेम अश्विनी उर्फ वैशाली भोसलेनं शेअर केली स्पेशल पोस्ट, म्हणाली - 'माझ्या आयुष्यातील...'
By ऑनलाइन लोकमत | Published: August 26, 2022 07:53 PM2022-08-26T19:53:22+5:302022-08-26T19:53:43+5:30
'रंग माझा वेगळा' (Rang Maza Vegla) मालिका सध्या उत्कंठावर्धक वळणावर आली आहे.
'रंग माझा वेगळा' फेम अश्विनी उर्फ वैशाली भोसलेनं शेअर केली स्पेशल पोस्ट, म्हणाली - 'माझ्या आयुष्यातील...'
Next स्टार प्रवाह (Star Pravah) वाहिनीवरील लोकप्रिय मालिका 'रंग माझा वेगळा' (Rang Maza Vegla) सध्या उत्कंठावर्धक वळणावर आली आहे. या मालिकेने नुकतेच ८०० भाग पूर्ण केले आहेत. या निमित्ताने मालिकेतील सर्व कलाकारांनी जंगी सेलिब्रेशन केले. दरम्यान या मालिकेत अश्विनीची भूमिका साकारणारी अभिनेत्री वैशाली भोसले (Vaishali Bhosale) हिने रंग माझा वेगळाने आठशे भाग पूर्ण केल्याच्या निमित्ताने एक पोस्ट शेअर केली आहे. तिने या पोस्टमध्ये तिने या मालिकेचा एक भाग असल्याचा अत्यंत आनंद होत असल्याचे म्हटले आहे. सध्या तिची ही पोस्ट चर्चेत आली आहे.
अभिनेत्री वैशाली भोसले हिने इंस्टाग्रामवर मालिकेचा व्हिडीओ शेअर करत लिहिले की, रंग माझा वेगळा चा मी एक भाग आहे याचा अत्यंत आनंद होतोय..माझ्या आयुष्यातील अशी मालिका ज्यात मी सलग काही महिने काम करतेय..खूप मजा येते या टीम सोबत काम करताना..
तिने या पोस्टमध्ये पुढे म्हटले की, आज आमच्या मालिकेचा ८०० वा एपिसोड सादर होतोय. या प्रवासात आपण सगळे सोबत होतात, आहात आणि पुढेही असाल त्यासाठी सर्व रसिक प्रेक्षकांचे मनःपूर्वक आभार. तसेच आमच्या मालिकेतील निर्माते, दिग्दर्शक, तंत्रज्ञ, कलाकार या सगळ्यांचे खूप खूप अभिनंदन आणि मनःपूर्वक आभार.
वैशाली भोसले हिच्या वर्कफ्रंटबद्दल सांगायचं तर तिने रंग माझा वेगळा मालिकेशिवाय बऱ्याच मालिकेत काम केले आहे. मन झालं बाजिंद, ब्रह्मांडनायक, लक्ष्य, बंध रेशमाचे, तू माझा सांगाती, चंद्र आहे साक्षीला या मालिकेत ती पाहायला मिळाली आहे. झी मराठी वाहिनीवरील महाराष्ट्राचा सुपरस्टारमध्ये ती झळकली आहे. रमेश मोरे लिखित आणि दिग्दर्शित टॉपर वेबसीरिजमध्येही तिने काम केले आहे.