"टीव्हीत डेब्यू करण्यासाठी माझ्याशी लग्न करावं लागलं.." अभिनेत्रीसमोर निर्मात्यानं ठेवली होती अट

अभिनेत्रीने नुकत्याच दिलेल्या एका मुलाखतीत धक्कादायक खुलासा केला.

आयशा कपूरने 'शेरदील शेरगिल' मधून टीव्ही डेब्यू केला आहे. या मालिकेत ती निक्कीची भूमिका साकारताना दिसत आहे. मालिकेत धीरज धुपरच्या गर्लफ्रेंडच्या भूमिकेत ती दिसतेय. मात्र, आयशा कपूरच्या भूमिकेत काही बदल होणार असल्याची चर्चा आहे. मालिकेत नवे ट्विस्ट आणि टर्न्स येणार आहेत. आयशा कपूरचे वैयक्तिक आयुष्य आणि तिचा इंडस्ट्रीतील प्रवास यावर एक नजर टाकली तर तिला बऱ्याच संघर्ष करावा लागला आहे. आयशा कपूरसाठी हा प्रवास सोपा नव्हता. 

आयशा कपूरने नुकत्याच दिलेल्या एका मुलाखतीत खुलासा केला की, ती टीव्हीवर पदार्पण करण्यासाठी प्रयत्न करत असताना निर्मात्यांनी कोणत्या प्रकारच्या मागण्या केल्या होत्या. एकाने तर तिला थेट सांगितलं की टीव्ही डेब्यूसाठी तिला  त्याच्याशी लग्न करावे लागेल, तरच ती अभिनय क्षेत्रात पाऊल ठेवू शकेल.

स्पॉटबॉयला दिलेल्या मुलाखतीत आयशा कपूर म्हणाली, "मला नेहमीच एक अभिनेत्री व्हायचं होतं. माझा प्रवास काही सोपा नव्हता. सुरुवातीला मी लोकांना भेटायचो तेव्हा ते माझी खूप दिशाभूल करायचे. लोक सांगायचे आणि मी त्यांच्या बोलण्यात गुंतून जायचो. मी जेव्हा कधी ऑडिशन द्यायला जायचे तेव्हा खूप गोंधळून जायचे. मला वेब सीरिजमध्ये काही चांगल्या भूमिकांच्या ऑफर आल्या होत्या. पण मला टीव्ही शो करायचे होते. वेब सीरिजमध्ये काम केल्यानंतर मला कुठेतरी जाऊन एक टीव्ही शोमध्ये काम करायची संधी मिळाली. 

आयशा कपूर म्हणाली, "मला एक मोठा प्रोजेक्ट मिळाला आहे. त्यात मी मुख्य भूमिकेत दिसणार होती. पण शोच्या निर्मात्याने माझ्यासमोर एक अट ठेवली. तो म्हणाला की, जर मी त्याच्याशी लग्न केले तरच मला मुख्य भूमिका मिळेल. मी या शोचे शूटिंगही सुरू केले होते, पण नंतर जेव्हा मी निर्मात्याशी हा करार केला नाही तेव्हा त्यांनी मला शोमधून बाहेरचा रस्ता दाखवला. मी जितके दिवस काम केलं त्या दिवसांचा पगारही दिला नाही. मला तो मुंबईत लग्जरी लाईफ देईल हे त्याचं म्हणणे ऐकून मला हसू आलं. म्हणजे मला कोणतेही कष्ट न करता फेम आणि पैसा मिळेल. मला फक्त त्याच्याशी लग्न करायचे आहे. मी शॉर्टकट न घेण्याचे ठरवले आणि त्याला नाही म्हटलं."