बाबा रामदेव दिसणार रियालिटी टीव्ही शोमध्ये

य�

��ग गुरू बाबा रामदेव यांनी आता आपला मोर्चा टीव्हीकडे वळविला असून लवकरचे ते एका रियालिटी शोमध्ये जजच्या भूमिकेत दिसणार आहे, बाबा रामदेवसोबतच भजन सम्राट अनूप जलोट यांचा समावेश असणार आहे. 

बाबा रामदेव मल्टी टॅलेंटेड आहे. नुकतेच एक कार्यक्रमात त्यांनी रनवीर कपूरसोबत जोरदार डान्स केला होता. आता बाबा रामदेव स्वत:चा रियालिटी शो घेऊन येत आहेत. हा शो भजनांवर आधारित असणार आहे. सूत्रांनी दिलेल्या माहितीनुसार बाबा रामदेव यांचा आगामी रियालिटी शो गायकांच्या परर्फामन्सवर आधारित असले. यात गायक चित्रपटांच्या गाण्यासोबतच भजनाचे सादरीकरण करणारे आहे. हा शो सौरभ राज जैन व छवी पांडे होस्ट करणार आहे. 



या रियालिटी शोचे नाव ‘भजन रत्न’ असे असून तो बाबा रामदेव यांच्या आधात्मिक आस्था चॅनलवर टेलीकास्ट करण्यात येणार आहे. या शोचे लाँचिंग हरिद्वार येथे करण्यात येणार असून त्यानंतर हा शोचे उर्वरित शूटिंग मुंबई येथे होणार आहे, पुढील वर्षी फरवरी महिन्यापासून हा प्रक्षेपित केला जाणार आहे. यापूर्वी देखील अशा कार्यक्रमाच्या बातम्या आल्या होत्या, मात्र नंतर याबाबत फारशी चर्चा झाली नाही. आता पुन्हा एकदा हा कार्यक्रम सादर करण्यात येणार असल्याचे सांगण्यात येत आहे.

शो रिलीज झाल्यावरच बाबा रामदेव या शोच्या माध्यमातून काय कमाल करतात हे येणारा काळच सांगेल. बाबा रामदेव यांनी योगच्या माध्यमातून आंतराष्ट्रीय स्तरावर आपली ओळख निर्माण केली आहे. बॉलिवूड ते राजकारणतील दिग्गज योगावर विश्वास ठेऊन आहेत. बाबा रामदेव यांचे पातंजली प्रोडक्टस्ही मार्केटमध्ये चांगली ख्याती मिळवित आहेत.