बिग बॉसची रँकिंग लिस्ट झाली लीक; विनरचे नाव ऐकाल तर धक्का बसेल!

ब�

��ग बॉसचा दहावा सीजन खरोखरच स्पेशल ठरत आहे. पहिल्यांदाच सेलिब्रेटीविरुद्ध इंडियावाले असा प्रयोग केलेल्या या शोचा आतापर्यंतचा प्रवास वादग्रस्तच ठरला आहे. कारण घरातील कंटेस्टेंट्समध्ये केवळ वादच नव्हे तर असा काही हायहोल्टेज ड्रामा बघावयास मिळत आहे ज्यामुळे हा शो चर्चेत आहे. आता बिग बॉस कंटेस्टेंट्सची रॅकिंग लिस्ट लीक झाल्याने पुन्हा एकदा शोविषयीची प्रेक्षकांमध्ये उत्सुकता निर्माण झाली आहे. कारण रँकिंग लिस्टमधील विनर कंटेस्टेंट्सचे नाव प्रेक्षकांसाठी नक्कीच धक्कादायक आहे. 



आतापर्यंत बिग बॉस सीजन-१० च्या विनर लिस्टमध्ये रोहन मेहरा, बानी जे, लोपामुद्रा राऊत, मनवीर गुर्जर, मनू पंजाबी यांची नावे पुढे आली आहेत. कारण त्यांचा घरातील प्रवास पाहता ते नक्कीच या शोमध्ये बाजी मारतील असे चित्र दिसत होते. त्यातच बॉलिवूडमधील सर्वाधिक वादग्रस्त नाव असलेल्या कमाल खान अर्थात ‘केआरकेन’ या शोचा विनर रोहन मेहरा असेल अशी भविष्यवाणी केली होती. मात्र लीक झालेल्या रँकिंग लिस्टमध्ये यासर्व आघाडीच्या कंटेस्टेंट्सना धोबीपछाड देत भोजपुरी अभिनेत्री मोनालिसा सर्वोच्च स्थानावर असल्याचे उघड झाले आहे. 
खरं तर मोनालिसाचा घरातील आतापर्यंतचा प्रवास अडगळीचा ठरलेला आहे. इतर कंटेस्टेंट्सच्या तुलनेत तिला फुटेजही कमी मिळाले आहेत. परंतु मनू पंजाबीसोबतची तिची स्टोरी गाजली असल्याने ती चर्चेत राहिली आहे. त्याचबरोबर जेव्हा जेव्हा तिला फुटेज मिळाले तेव्हा तेव्हा तिचा हॉट सेक्सी लुकचे प्रेक्षकांना दर्शन घडले आहे. कदाचित याच कारणामुळे प्रेक्षकांनी तिला विनरच्या यादीत सर्वोच्च स्थानावर विराजमान केले असावे.



सध्या हा शो फिनालेकडे वाटचाल करीत असून, स्वयंघोषित बाबा स्वामी ओमच्या हकालपट्टी केल्याने घरात आता केवळ सातच कंटेस्टेंट आहेत. अशात मोनालिसाला मिळालेली रॅँकिंग तिच्यासाठी महत्त्वपूर्ण समजली जात आहे, तर दुसºया स्थानावर बानी जे हिचे नाव आहे. त्यामुळे येत्या काही दिवसांमध्ये बानी आणि मोनालिसामध्ये विनिंगच्या ताजवरून घमासान होण्याची शक्यता आहे.



तिसºया स्थानावर मनवीर गुर्जर याला स्थान मिळाले आहे. मनूबरोबरची मैत्री अन् नंतर त्यात आलेली दरार या कारणांमुळे मनवीर शोमधील चर्चेतील चेहरा आहे. त्याला टॉप थ्रीमध्ये स्थान मिळाल्याने त्याच्या चाहत्यांमध्ये उत्साह आहे. 



या शोचा स्ट्रॉँग कंटेस्टेंट आणि विनर समजला जाणारा रोहन मेहरा मात्र चवथ्या स्थानावर आहे. याच स्थानावर त्याच्यासोबत मनू पंजाबीही आहे. दोघांमध्ये टाय झाला असली तरी, त्यांचे चौथे स्थान विनरच्या ताजपासून बरेच लांब आहे. खरं तर मनू पंजाबी सुरुवातीपासून घरातील मुख्य कंटेस्टेंट राहिला आहे. मात्र त्याला मिळालेले स्थान नक्कीच निराशाजनक आहे. 



गुगल गर्ल नितिभा कौरला मात्र मिळालेली रँकिंग आश्चर्यकारक आहे. ती यात पाचव्या स्थानावर आहे. गेल्या काही एपिसोडमध्ये मनवीरसोबतची तिची मैत्री बहरल्यानेच कदाचित तिला रँकिंगमध्ये फायदा झाला असावा.



मात्र सर्वात धक्कादायक रँकिंग लोपामुद्रा राऊतला मिळाली आहे. काल परवापर्यंत टॉप फाइव्हमध्ये असलेल्या लोपाला सहावी रँकिंग मिळाल्याने तिच्या फॅन्सना नक्कीच शॉक बसला असेल. रोहन मेहरा आणि लोपामुद्राची मैत्री चर्चेत होती. मात्र त्यानंतर तिने रोहनला टार्गेट करण्यास सुरुवात केल्यानेच तिला सहाव्या स्थानावर फेकले गेले असावे.



घरातून हकालपट्टी करण्यात आलेल्या स्वयंघोषित बाबा स्वामी ओम यांना मात्र शेवटच्या म्हणजेच सातव्या स्थानावर फेकले आहे. बिग बॉसचा विनर मीच असेल, असा नेहमीच दावा करणाºया स्वामी ओमला मिळालेली रँकिंग त्यांचा भ्रमनिराश करणारी असेल. स्वामी ओम या सीजनमधील खलनायक ठरल्याने त्यांना ही रँकिंग मिळाली असावी. स्वामी ओमने घरात केलेले कारनामे धक्कादायक ठरले आहे.