'पारू' मालिकेत मोठा ट्विस्ट, सूर्यकांत कदमने ठेवला अहिल्यासमोर एक करार

Paru Serial : साधी सरळ पारू आणि खंबीर, शिस्तप्रिय अहिल्यादेवी यांची गोष्ट असणारी ही मालिका सध्या गाजत असून आता या मालिकेत एका अभिनेत्याची एंट्री होणार आहे.

झी मराठीवरील 'पारू' मालिकेनं कमी कालावधीत रसिकांच्या मनात घर केले आहे. पारू नावाच्या साध्या सरळ मुलीची गोष्ट असणारी ही मालिका सध्या सगळ्यांचं लक्ष वेधून घेतेय. साधी सरळ पारू आणि खंबीर, शिस्तप्रिय अहिल्यादेवी यांची गोष्ट असणारी ही मालिका सध्या गाजत असून आता या मालिकेत एका अभिनेत्याची एंट्री होणार आहे. हा अभिनेता म्हणजे भरत जाधव.

'पारू' मालिकेत सर्वांचा लाडका अभिनेता भरत जाधवने एन्ट्री घेतली आहे. भरत जाधव एक दमदार खलनायकाची भूमिका साकारताना दिसणार आहेत. प्रोमोमध्ये तुम्ही सूर्यकांत कदमचा आकर्षक लूक तर पाहिलाच असेल. जितका खतरनाक लूक आहे तितकीच जबरदस्त ही भूमिका आहे. सूर्यकांत कदम अहिल्यादेवींच्या आयुष्यात उलथापालथ करायला आला आहे. 

तर दुसरीकडे पारू आपल्या निरागस स्वभावाने  सगळयांना गावाकडच्या जीवनाचा आनंद घ्यायला शिकवत आहे. गावच्या वेशात पारू आदित्य आणि प्रीतमला तयार करते. आदित्य ही पारूला हरीषसाठी प्रेमाची दारं उघडायला सांगतोय.  सूर्यकांत कदमने  आपला पहिला डाव खेळला आहे त्याने  श्रीकांतला गायब केलय. अहिल्याला घरावरचा धोका समजतो. अहिल्या समोर  सूर्यकांत एक करार ठेवतो. काय आहे तो करार ? अहिल्या समोर हे कोणतं नवं संकट येणार आहे? हे जाणून घेणे कमालीचे ठरणार आहे.