Bigg Boss 15 Grand Finale : ‘बिग बॉस 15’ जिंकण्याचं शमिता शेट्टीचं स्वप्न भंगलं; अखेरच्याक्षणी ‘टॉप 4’मधून आऊट

Bigg Boss 15 Grand Finale : दीपिका पादुकोण टॉप 3 निवडण्यासाठी बिग बॉसच्या घरात गेली. तिने टॉप 3 स्पर्धकांची घोषणा केली. यादरम्यान शमिताचा पत्ता कट झाला.

 Bigg Boss 15 Grand Finale : ‘बिग बॉस 15’ची चकाकती ट्रॉफी कोण जिंकणार, याकडे सर्वांचं लक्ष लागलं असताना, निशांत भट्टचा बिग बॉस 15 फिनालेच्या रेसमधून बाहेर पडला आहे. रश्मी देसाई आधीच फिनालेमधून बाहेर पडली होती. आज निशांतनेही 10 लाखांची रक्कम घेऊन बिग बॉसच्या फिनाले रेसमधून बाहेर पडण्याचा निर्णय घेतला. त्याच्यानंतर शमिता शेट्टी, तेजस्वी प्रकाश, करण कुंद्रा व प्रतिक सहजपाल असे चार स्पर्धक उरले होते. या चौघांमधून टॉप 3 ची निवड झाली आणि यादरम्यान शमिता शेट्टी (Shamita Shetty) ही फिनाले रेसमधून बाद झाली आहे. साहजिकच शमिता बाद झाल्याने तिच्या चाहत्यांना मोठा धक्का बसला आहे. 
शमिता बाद झाल्यानंतर तेजस्वी प्रकाश, करण कुंद्रा आणि प्रतिक सेहजपाल असे तिघे विजेतेपदाच्या शर्यतीत उरले आहेत. या तिघांपैकी बिग बॉसची ट्रॉफी कोण जिंकतं, हे इंटरेस्टिंग असणार आहे.

बिग बॉसचे काही एक्स-कंटेस्टंट ऑफर घेऊन घरात गेलेत. बिग बॉसचं घर सोडण्यासाठी त्यांनी 10 लाखांची ऑफर दिली. पाच फायनलिस्टमधून निशांत भट्ट याने ही ऑफर स्वीकारली. टॉफीपेक्षा त्याने 10 लाख घेऊन घराबाहेर पडण्यास प्राधान्य दिलं. 

यानंतर दीपिका पादुकोण टॉप 3 निवडण्यासाठी बिग बॉसच्या घरात गेली़ तिने टॉप 3 स्पर्धकांची घोषणा केली. यादरम्यान शमिताचा पत्ता कट झाला.त्याच्यापाठोपाठ चाहत्यांच्या मतांच्या आधारावर शमिता शेट्टीचं ट्रॉफी जिंकण्याचं स्वप्न पुन्हा एकदा भंगलं. ती या शोच्या विजेतेपदाची मोठी दावेदार मानली जात होती.

शमिताला चीअर अप करण्यासाठी तिची बहीण शिल्पा शेट्टी ही सुद्धा बिग बॉस 15 फिनालेमध्ये पोहोचली होती. आज शमिताचं जिंकणार, असा अंदाज यावरून अनेकांनी बांधला होता. 
फिनाले रेसमधून आऊट होण्याआधी शमिता राकेश बापटसोबत सामी या गाण्यावर किलर डान्स करताना दिसली. दोघांच्या या किलर डान्सने स्टेजवर आग लावली.