BB15: करण कुंद्रापूर्वी 'या' प्रसिद्ध अभिनेत्याला तेजस्वी प्रकाश करत होती डेट?; सोशल मीडियावर चर्चेला उधाण

Tejasswi prakash:  घरात रंगणाऱ्या टास्कसोबत तेजस्वी प्रकाश आणि करण कुंद्रा यांची लव्हस्टोरीही चांगलीच चर्चेत येत आहे.

छोट्या पडद्यावरील बिग बॉस १५ (bigg boss 15)  हा शो सध्या चांगलाच चर्चेत येत आहे.  घरात रंगणाऱ्या टास्कसोबत तेजस्वी प्रकाश (Tejasswi Prakash) आणि करण कुंद्रा (Karan Kundrra) यांची लव्हस्टोरीही चांगलीच चर्चेत येत आहे. या शोमध्ये सहभागी झाल्यानंतर ही जोडी एकमेकांना डेट करत असल्याचं म्हटलं जात आहे. परंतु, आता तेजस्वी प्रकाशविषयी एक नवी माहिती समोर आली आहे. करण कुंद्रापूर्वी तेजस्वी एका लोकप्रिय अभिनेत्याला डेट करत असल्याचं म्हटलं जात आहे.

काही दिवसांपूर्वीच राखी सावंतने (Rakhi Sawant)  करण आणि तेजस्वीच्या रिलेशनला फेक लव रिलेशन म्हटलं होतं. इतकंच नाही तरदेवोलीना भट्टाचार्जीनेदेखील (Devoleena Bhattacharjee) त्यांच्या रिलेशनशीपवर प्रश्न उपस्थित केले होते. यामध्येच आता सोशल मीडियावर तेजस्वीचा एक जुना फोटो व्हायरल होत आहे. या फोटोमध्ये तेजस्वी एका अभिनेत्यासोबच दिसत असून तो तिचा बॉयफ्रेंड असल्याचं म्हटलं जात आहे.

हॅण्डसम अन् डॅशिंग आहे तेजस्वी प्रकाशचा सख्खा भाऊ; बॉलिवूड अभिनेत्यांनाही टाकतोय मागे

सोशल मीडियावर व्हायरल होत असलेल्या व्हिडीओमध्ये तेजस्वी, विनीत खेडेकरसोबत दिसत आहे. विनीत सोशल मीडियावर फेमस असून क्रिश या नावाने तो इन्स्टाग्रामवर ओळखला जातो. विशेष म्हणजे काही दिवसांपूर्वीच विनीतने त्याच्या इन्स्टाग्रामवरुन तेजस्वीचे फोटो डिलीट केल्याचं म्हटलं जात आहे. तर तेजस्वीच्या इन्स्टावर विनीत सोबतचे अजूनही काही फोटो आहेत.

सूत्रांच्या माहितीनुसार, गेल्या एक वर्षांपासून तेजस्वी-विनीत एकमेकांना ओळखत आहेत.अलिकडेच तेजस्वीदेखील बिग बॉसच्या घरात तिच्या रिलेशनविषयी करणला सांगतांना दिसून आली होती. तर दुसरीकडे एका मुलाखतीत विनीतने तेजस्वी फक्त आपली मैत्रीण असल्याचं म्हटलं होतं. त्यामुळे तेजस्वी आणि विनीत यांच्यात नक्की मैत्री आहे की रिलेशन? याविषयी नेटकऱ्यांमध्ये प्रचंड चर्चा रंगली आहे.