Abdu Rozik Fees: बिग बॉसच्या घरात राहण्यासाठी मोठी रक्कम वसूल करतो अब्दू रोजिक, जाणून घ्या छोटो भाईजानची फीस

'बिग बॉस 16'मध्ये कमबॅक करणार अब्दू रोजिक सर्वात लोकप्रिय स्पर्धक आहे. तो दर आठवड्याला मोठी रक्कम घेतो.

Abdu Rozik Fees For Bigg Boss 16: वादग्रस्त शो 'बिग बॉस 16'मध्ये एका पेक्षा एक स्पर्धक आहे. ज्यांनी आपल्या खेळानं चाहत्यांची मनं जिंकली आहेत. एक स्पर्धक भारतातला नसूनही त्याला प्रेक्षकांचं खूप प्रेम मिळालं. हा स्पर्धक आहे अब्दू रोजिक(Abdu Rozik) जो ताजिकिस्तानचा रहिवासी आहे. आपल्या क्युट पर्सनालिटीनं तो लाखो लोकांच्या मनावर राज्य करतोय. अब्दू शोमधील टॉप ५ स्पर्धकांपैकी एक आहे. अब्दू एका एपिसोडसाठी मोठी रक्कम घेतो. जाणून त्याला किती मानधन मिळतं.   

'बिग बॉस १६'मध्ये अब्दू रोजिकचं मानधन 
अब्दू रोजिक हा ताजिकिस्तानमधील प्रसिद्ध गायक आहेत. याशिवाय तो एक प्रसिद्ध सोशल मीडिया सेलिब्रिटी देखील आहे. त्याची ओळख दुबईपर्यंत आहे. जगभरात अब्दू हे आता प्रसिद्ध नाव आहे. 'बिग बॉस 16' मधील पहिल्या दिवसापासून तो प्रेक्षकांना इंप्रेस करण्यात यशस्वी झाला आहे. तो दर आठवड्याला यासाठी मोठी रक्कम घेतो. रिपोर्टनुसार, अब्दू रोजिक एका आठवड्यासाठी अडीच ते तीन लाख रुपये घेतो. तो शोमध्ये एकूण 11 आठवडे राहिला. या दरम्यान त्याने सुमारे 30 ते 33 लाख रुपये कमावले आहेत.

अब्दू रोजिकची होणार 'बिग बॉस 16'मध्ये घरवापसी!
19 वर्षीय अब्दू रोजिकला काही दिवसांपूर्वी शोमधून बाहेर पडावं लागलं होतं. अब्दूला संधी मिळाली होती, जी त्याला अजिबात सोडायची नव्हती. त्याचे मॅनेजर्स आणि निर्मात्यांच्या संभाषणानंतर, अब्दू शोमधून बाहेर पडला. शोमध्ये अब्दू लवकरच शोमध्ये कमबॅक करणार आहे. 'बिग बॉस'ने असेही म्हटले होते की, अब्दू शोमध्ये परत येऊ शकतो. मात्र, अद्याप अब्दू शोमध्ये आलेला नाही. अब्दूचे चाहते त्याच्या घरवापसीची आतुरतेने वाट पाहत आहेत.