Bigg Boss 16 Grand Finale 2023: बिग बॉस १६चा महाअंतिम सोहळा रंगणार या दिवशी, जाणून घ्या याबद्दल

Bigg Boss 16 : हिंदी छोट्या पडद्यावरील लोकप्रिय आणि वादग्रस्त रिएलिटी शो बिग बॉसचा सोळावा सीझन अंतिम टप्प्यात पोहचला आहे.

हिंदी छोट्या पडद्यावरील लोकप्रिय आणि वादग्रस्त रिएलिटी शो बिग बॉसचा सोळावा सीझन (Bigg Boss 16) अंतिम टप्प्यात पोहचला आहे. बिग बॉस १६चा महाअंतिम सोहळा येत्या रविवारी म्हणजेच १२ फेब्रुवारीला रंगणार आहे. यंदा बिग बॉस हिंदीच्या पर्वाचा विजेता कोण ठरणार? याकडे सगळ्यांचे लक्ष लागले आहे. सध्या बिग बॉस १६च्या महाअंतिम सोहळ्याची जय्यत तयारीही सुरु आहे. बिग बॉस १६चा महाअंतिम सोहळा कधी, कुठे आणि कसा पाहता येईल, हे जाणून घ्या.

मागील काही दिवसांपासून सोशल मीडियावर बिग बॉस १६चा विजेता कोण होणार? याबद्दल तर्क-वितर्क लावले जात आहे. बिग बॉसच्या १६ व्या पर्वाचा विजेता कोण ठरणार याकडे सगळ्यांचे लक्ष लागून राहिले आहे. दरवर्षीप्रमाणे यंदाही बॉलिवूडचा दबंग खान सलमान हा बिग बॉसच्या महाअंतिम सोहळ्याचे सूत्रसंचालन करताना दिसणार आहे. त्यामुळे चाहत्यांमध्ये खूप उत्सुकता पाहायला मिळत आहे.

बिग बॉस १६चा महाअंतिम सोहळा १२ फेब्रुवारीला पाहायला मिळणार आहे. सलमान खान या महाअंतिम सोहळ्याचे सूत्रसंचालन करणार आहे. येत्या १२ फेब्रुवारीला कलर्स वाहिनीवर रात्री ९ वाजता हा अंतिम सोहळा पाहता येणार आहे. त्याबरोबरच Voot अॅपवर देखील हा शो पाहू शकता.

View this post on Instagram

A post shared by ColorsTV (@colorstv)

या महाअंतिम फेरीत शिव ठाकरे, MC स्टेन, प्रियांका चहर चौधरी, अर्चना गौतम आणि शालीन भानोत यांच्यात चुरशीची लढत होणार आहे. यामुळे सोशल मीडियावर सध्या यांची क्रेझ पाहायला मिळत आहे. यंदा बिग बॉस १६चा विजेता कोण ठरणार? याकडे सगळ्यांचे लक्ष लागले आहे. त्यामुळे आता बिग बॉस मराठीचा सोळावा सीझन कोण जिंकणार हे पाहणे कमालीचे ठरणार आहे.