Bigg Boss 16 : बिग बॉस १६ फेम शालीन भनाेटचं नशीब फळफळलं, हाती लागला एकता कपूरचा शो

Bigg Boss 16 Contestant Shalin Bhanot : होय, शालीनच्या हाती एक मोठा शो लागला आहे. एकता कपूरने आपल्या शोसाठी शालीनला फायनल केलं आहे.

Bigg Boss 16 Contestant Shalin Bhanot Signed By Ekta Kapoor In Her Upcoming Series: बिग बॉस १६ आता अंतिम टप्प्यात आला आहे. पण शो संपायला काही उरले असताना शालीन भनोट मात्र घरात एकटा पडला आहे. शोमध्ये टिकून राहणं त्याच्यासाठी कठीण झालं आहे. मनातल्या गोष्टी शेअर करायला शालीन भनोटजवळ आता कुणीही नाही. त्यामुळे शालीन इतका वैतागलाय की, मला नॉमिनेट करा अशी विनंती तो घरातील सदस्यांना करतोय.  बिग बॉसच्या घरात भलेही शालीन भनोटची अवस्था वाईट आहे. पण बाहेरच्या जगात त्याचं भाग्य उजळलंय. होय, शालीनच्या हाती एक मोठा शो लागला आहे. एकता कपूरने आपल्या शोसाठी शालीनला फायनल केलं आहे.

रिपोर्टनुसार, ब्युटी ॲण्ड बीस्टच्या हिंदी रिमेकसाठी एकताने शालीनच्या नावावर शिक्कामोर्तब केलं आहे. आधी या फॅन्टसी शोसाठी कुशाल टंडनला साईन करण्यात आलं होतं. पण आता कुशालचा पत्ता कट झाला असून त्याजागी शालीनची एन्ट्री झाली आहे.
काही दिवसांपूर्वी एकता कपूर बिग बॉस १६मध्ये गेली होती. याठिकाणी तिने घरातील सर्व सदस्यांची ऑडिशन टेस्ट घेतली. शालीनची ॲक्टिंग स्कील पाहून एकता चांगलीच खूश्श झाली आणि तिने त्याला संधी देण्याचा निर्णय घेतला.

View this post on Instagram

A post shared by Shalin Bhanot (@shalinbhanot)

बिग बॉस १६ हा शो येत्या १२ फेब्रुवारीला संपतो आहे. यानंतर लगेच शालीन एकताच्या शोचं शूटींग सुरू करेल, असं मानलं जात आहे.
शालीन भनोट टेलिव्हिजनच्या दुनियेचा जुना चेहरा आहे. अनेक लोकप्रिय मालिकांमध्ये त्याने काम केलंय. राम सिया के लव कुश, नागीन ४, सात फेरे: सलोनी का सफर, काजल, कुलवधू, गृहस्थी, सूर्यपुत्र कर्ण अशा अनेक मालिकांमध्ये त्याने महत्त्वपूर्ण भूमिका साकारल्या. नच बलिऐ, नचले विद सरोज खान या रिॲलिटी शोमध्येही तो झळकला.