Bigg Boss 16 Promo: सलमान खानचा चढला पारा, ‘वीकेंड का वार’मध्ये घेतली सुम्बुलची शाळा

Bigg Boss 16 Shukrawaar Ka Vaar Promo : सुम्बुलने ‘बिग बॉस 16’मध्ये दबंग अंदाजात एन्ट्री घेतली होती. तिचा तो अंदाज बघून सुम्बुल बिग बॉसच्या घरात धमाका करणार, असाच सगळ्यांचा अंदाज होता. पण आत्तापर्यंत तरी सुम्बुल ‘फुसका बॉम्ब’ ठरली आहे.

Bigg Boss 16, Oct 28 Promo:  सुम्बुल तौकीर खान ( Sumbul Touqueer Khan) हा टेलिव्हिजनचा लोकप्रिय चेहरा. सुम्बुलने ‘बिग बॉस 16’मध्ये दबंग अंदाजात एन्ट्री घेतली होती. तिचा तो अंदाज बघून सुम्बुल बिग बॉसच्या घरात धमाका करणार, असाच सगळ्यांचा अंदाज होता. पण आत्तापर्यंत तरी सुम्बुल ‘फुसका बॉम्ब’ ठरली आहे. दर आठवड्याला तिचा गेम बिघडताना दिसतोय. दोन आठवड्यांआधी सुम्बुलच्या वडिलांनी तिला समजवण्याचा प्रयत्न केला. सलमान खाननेही ( Salman Khan) तिला समजावलं. पण कदाचित याचा सुम्बुलवर काहीही परिणाम झाला नाही. परिणामी सुम्बुल बिग बॉस 16 ची सर्वात कमजोर खेळाडू ठरली आहे. अनेकदा समजावूनही सुम्बुलच्या वागण्यात काहीही फरक पडत नसलेला पाहून अखेर सलमानचाही पारा चढला.

आज वीकेंडचा वारमध्ये सलमान सुम्बुलची चांगलीच शाळा घेताना दिसणार आहे. ‘ तू फक्त रडताना, एका व्यक्तिच्या मागे फिरताना आणि तक्रारी करतानाच दिसतेस,’असं सलमान तिला सुनावतो. यानंतर सलमान तिला जागेवर उभं होऊन हळूहळू लिव्हिंग रूमपासून दूर होत बेडरूममध्ये जायला सांगतो. तू अशीच प्रत्येक आठवड्यात मागे पडत आहेत. सुम्बुलचा गेम बिघडतो आहे. तू फक्त शालीन भनोटच्या मागे मागे फिराना दिसते. तुझा बिग बॉसचा गेम फक्त शालीन भोवती फिरताना दिसतो. तू कधी शालीनवर नाराज होताना दिसते किंवा मग शालीनसोबत चिल आऊट करताना दिसतेय. हळूहळू सुम्बुल स्क्रिनवरही दिसेनासी होतेय. ही तुझ्यासाठी धोक्याचची घंटा आहे, अशा शब्दांत सलमान तिला आरसा दाखवतो.
टीव्हीची लोकप्रिय अभिनेत्री असलेल्या सुम्बुलकडून सर्वांनाच मोठ्या अपेक्षा होत्या. पण सुम्बुल ज्या पद्धतीने गेम खेळतेय, त्यावरून ती लवकरच शोमधून बाहेर पडेल, असं दिसू लागलंय.

View this post on Instagram

A post shared by ColorsTV (@colorstv)

अंकित गुप्तावरही बरसला सलमान
या वीकेंड का वारमध्ये सलमान अंकित गुप्ताचीही शाळा घेताना दिसणार आहे. कारण शोमध्ये अंकित गुप्ता सुद्धा काहीही करताना दिसत नाहीय. अंकित खूप स्ट्राँग आहे, असं प्रियंका म्हणाली होती. पण आम्हाला हे कसं कळणार. अंकित तू तुझ्या कम्फर्ट झोनमध्ये राहून खेळतोय. तुला इथे राहायचच नाही, असं आम्हाला आता वाटू लागलं आहे.
सलमानने असं कडक शब्दांत फटकारल्यानंतर सुम्बुल व अंकित यांचा गेम किती सुधारतो, ते बघूच.