Bigg Boss 16: आजपासून बिग बॉस-१६ ची धमाल! कुठे अन् किती वाजता दिसणार शो... जाणून घ्या सारं काही एका क्लिकवर

आजपासून बिग बॉसच्या आलिशान घरात सेलिब्रेटी तीन महिन्यांसाठी बंदिस्त होणार आहेत. त्यामुळे आजपासून हाय व्होल्टेज ड्रामा पाहायला मिळणार आहे.

छोट्या पडद्यावरचा सर्वात मोठा रिअ‍ॅलिटी शो ‘बिग बॉस 16’ची प्रतीक्षा आज संपणार आहे.  या शोचा ग्रँड प्रीमिअर आज संध्याकाळी रंगणार आहे. ‘बिग बॉस 16’मध्ये यावेळी कोण कोण स्पर्धक सहभागी होणार, याची उत्सुकता आहेच. टीना दत्ता ते सृजिता डे, निम्रत कौर अहलुवालिया, शालीन भानोत, मन्या शर्मा, गौरी नागोरी, सौंदर्या शर्मा, गायक अब्दू रोजिक, सुंबुल तौकीर खान, दिग्दर्शक साजिद खान यांच्यासह अनेक सेलिब्रिटी शोमध्ये सहभागी होणार आहेत.

‘बिग बॉस’चं घर दरवेळी अनोख्या पद्धतीने, वेगवेगळ्या थीमनुसार सजवण्यात येतं. या सीझनची थीम सर्कस असल्याचं कळतंय. ‘बिग बॉस 16’च्या घराचे जे फोटो समोर आले आहेत, त्यावरूनही हेच दिसतंय. ‘बिग बॉस 16’च्या मेन गेटवर ‘वेलकम टू द स्’ असं लिहिलेलं दिसतंय. घरातील लिव्हिंग रूम प्रचंड प्रशस्त आणि आकर्षक आहे. सर्कस ही थीम असल्यामुळे संपूर्ण घराचा नजारा असाच आहे. इंटिरिअर डिझाईन सर्कस थीमवर बेतलेलं आहे.

आज रात्री,  टीव्हीवरील प्रसिद्ध सेलिब्रिटी या आलिशान घरात तीन महिन्यांसाठी बंदिस्त होतील. बिग बॉस 16 मधील स्पर्धकांचं सलमान स्वॅगने स्वागत करणार आहे. 

View this post on Instagram

A post shared by ColorsTV (@colorstv)

कुठे पाहू शकता शो?
बिग बॉस 16 चा भव्य प्रीमियर आज रात्री म्हणजेच 1 ऑक्टोबरच्या रात्री होणार आहे. कलर्स टीव्ही वाहिनीवर रात्री 9.30 वाजता हा शो सुरू होईल. तुम्ही हा शो Voot अ‍ॅपवरही पाहू शकता.Voot अ‍ॅपवर बिग बॉसच्या पडद्यामागील संपूर्ण दिवसाचे अपडेट्स पाहायला मिळणार आहेत. याशिवाय ज्यांच्याकडे Voot अ‍ॅप नाही. ते Jio Tv आणि Airtel Xstream वर देखील शोचा पाहू शकतात.