Bigg Boss 17 Finale: 'शैतान'ने केलं टॉप 5 मधून एकाला बाहेर, बिग बॉसला मिळाले 4 फायनलिस्ट
By ऑनलाइन लोकमत | Published: January 28, 2024 10:03 PM2024-01-28T22:03:48+5:302024-01-28T22:06:45+5:30
या पाच फायनलिस्ट पैकी पहिला फायनलिस्ट एविक्ट झाला आहे. हे आहेत बिग बॉसचे टॉप 4 सदस्य...
Bigg Boss 17 Finale: 'शैतान'ने केलं टॉप 5 मधून एकाला बाहेर, बिग बॉसला मिळाले 4 फायनलिस्ट
Bigg Boss 17 Finale: 'बिग बॉस 17' फिनाले मध्ये टॉप 5 स्पर्धकांमधून पहिला स्पर्धक बाहेर गेला आहे. सिझनच्या टॉप 5 स्पर्धकांमध्ये अंकिता लोखंडे, मुनव्वर फारुकी, अभिषेक कुमार, अरुण माशेट्टी आणि मन्नारा चोप्रा यांनी मजल मारली होती. या पाच फायनलिस्ट पैकी पहिला फायनलिस्ट आता बाहेर पडला आहे. फायनल पर्यंत मजल मारत पाचव्या क्रमांकावर राहत त्याचा प्रवास संपला आहे. कोण आहे तो स्पर्धक?
बिग बॉस 17 च्या फायनलला धमाकेदार सुरुवात झाली आहे. भारती सिंह आणि कृश्ना अभिषेक यांनी आपल्या कॉमडी मस्त रंगत आणली. मजामस्ती झाल्यानंतर अजय देवगण (Ajay Devgn) आणि आर माधवनने (R Madhavan) बिग बॉसमध्ये एन्ट्री घेतली. टॉप 5 मधून पहिल्या स्पर्धकाला बाहेर काढण्यासाठी ते आले. पाचही स्पर्धकांना Activity Room मध्ये बोलावण्यात आलं. त्यांच्यासमोर फिश टँक ठेवण्यात आले. ज्याच्यासमोरील टँकमधील पाणी काळं होईल तो स्पर्धक घराबाहेर जाणार असा टास्क होता. अखेर तो क्षण आला जेव्हा 'टॉप 5' मधून पहिला स्पर्धक बाहेर पडला. त्याचं नाव आहे अरुण माशेट्टी(Arun Mashetty).
Arun Mashetty is Evicted from Final Race at 5th Position #ArunMashettey Evicted
— Bigg Boss 17 live (@Biggboss17_live) January 28, 2024
Happy now Finale ke din bhi Abhishek se lad rha tha #BiggBoss17GrandFinale
Follow us @Biggboss17_livepic.twitter.com/zl9Hmb0yqu
अरुण माशेट्टी प्रसिद्ध युट्यूबर आहे. गेमिंग क्षेत्रात त्याचं मोठं नाव आहे. त्याचे युट्यूबवर 653 सबस्क्रायबर्स आहेत तर इन्स्टाग्रामवर मिलियन फॉलोअर्स आहेत. अरुण आपल्या पत्नीसोबतही मजेशीर व्लॉग बनवतो. तो उच्च शिक्षित कुटुंबातून येतो.कोरोनामध्ये त्याच्या वडिलांचं निधन झालं होतं ज्यामुळे तो नैराश्यात गेला होता. यानंतर त्याच्या एका मित्राने त्याला गेमिंग व्हिडिओची कल्पना दिली होती. बिग बॉसच्या टॉप 5 पर्यंत मजल मारल्याने त्याच्या लोकप्रियतेत वाढ झाली आहे.
अजय देवगण आणि आर माधवन यांचा 'शैतान' हा सिनेमा लवकरच प्रदर्शित होत आहे. याच सिनेमाच्या प्रमोशनसाठी ते बिग बॉसमध्ये आले. काळ्या जादूवर सिनेमाची कहाणी आधारित आहे. 1 मार्च रोजी 'शैतान' रिलीज होणार आहे. सिनेमात साऊथ अभिनेत्री ज्योतिकाचीही भूमिका आहे.