Bigg Boss 17: या स्पर्धकाच्या आईनं केली होती आत्महत्या, बिग बॉसच्या घरात केला धक्कादायक खुलासा

Bigg Boss 17: बिग बॉसमधील स्पर्धक दररोज त्यांच्या वैयक्तिक आयुष्याबद्दल अनेक खुलासे करताना दिसत आहेत.

छोट्या पडद्यावरील वादग्रस्त शो बिग बॉस १७ (Bigg Boss 17) प्रेक्षकांचे भरपूर मनोरंजन करत आहे. शोमध्ये स्पर्धक त्यांच्या वैयक्तिक आणि व्यावसायिक जीवनाशी संबंधित अनेक गोष्टी एकमेकांसोबत शेअर करताना दिसत आहेत. शोच्या या सीझनमध्ये सर्वाधिक चर्चेत असलेला स्पर्धक म्हणजे मुनावर फारुकी (Faruqui Munawar). मुनव्वरने या शोमध्ये अनेकदा त्याच्या वैयक्तिक आयुष्याविषयी खुलासे केले आहेत.

यावेळी पुन्हा एकदा मुनव्वरने आपल्या आईबाबत धक्कादायक खुलासा केला आहे, जे ऐकून कुटुंबीयांना धक्काच बसला आहे. गेल्या एपिसोडमध्ये रिंकू, ऐश्वर्या नील आणि मुनव्वर बागेच्या परिसरात एकत्र बसले होते. दरम्यान, मुनव्वर सांगताना दिसला की, लहानपणी आम्ही रोज एक चपाती आणि डाळ खायचो. त्या वेळी ती छान दिसत होती. यानंतर रिंकूने मुनव्वरला विचारले की तुझी आई कधी वारली? यावर मुनव्वर म्हणाला, "मी १३ वर्षांचा असताना माझ्या आईचे निधन झाले. माझ्या आईने आत्महत्या केली होती, तिने अॅसिड प्यायले होते."

मुनव्वरने सांगितले आईच्या आत्महत्येचे कारण
यानंतर ऐश्वर्याने विचारले की तिने असे का केले? यावर मुनव्वर म्हणाला की, त्यावेळी अनेक समस्या होत्या. माझ्या वडिलांसोबत तिचे संबंध चांगले नव्हते. खूप कर्ज आणि अनेक गोष्टी होत्या. यानंतर मुनव्वर थोडा भावूक झाला आणि आपण याविषयी कधीतरी बोलू असे सांगून तिथून निघून गेला.

याआधीही अनेक खुलासे केले आहेत
मुनव्वरने या आधीही खासगी आयुष्याबद्दल खुलासा केला होता. त्याने त्यावेळी सांगितले होते की या समस्यांमुळे त्याला आपले शिक्षण सोडावे लागले आणि त्याने घर चालवण्यासाठी काम करायला सुरुवात केली होती. याआधी त्याने इतर रिअॅलिटी शोमध्ये त्याच्या वैयक्तिक आयुष्याबद्दल अनेक खुलासे केले होते.