विकी जैनने अंकितावर उचलला हात? नेटकरी म्हणाले, 'असं घरीही होत असणार'; Video व्हायरल

अंकिता जोरात अभिषेकवर ओरडते तेव्हा विकीचं नियंत्रण सुटतं आणि तो अंकिताच्या दिशेने हात उगारतो.

'बिग बॉस 17' (Bigg Boss 17) मध्ये अंकिता लोखंडे(Ankita Lokhande) आणि विकी जैन (Vicky Jain) या जोडीमध्ये रोज नवनवीन वाद होत आहेत. इतकंच नाही तर काही दिवसांपूर्वी अंकिताने विकीकडे घटस्फोटाचीही मागणी केली. आता त्यांच्यातील वाद आणखी विकोपाला जाताना दिसत आहे. कारण विकीने अंकितावर हात उचलण्याचा प्रयत्न केला आहे. याचा व्हिडिओ सोशल मीडियावर व्हायरल होतोय.

व्हायरल होत असलेल्या व्हिडिओत अंकिता आणि विकी बेडवर बसलेले आहेत. तर समोर अभिषेक उभा आहे. अंकिता आणि विकी अभिषेक सोबत वाद घालत आहेत. विकीला कोणीही बोलू देत नसल्याने त्याचं कोणी ऐकत नसल्याने त्याचा पारा चढताना दिसत आहे. तेवढ्यात अंकिता जोरात अभिषेकवर ओरडते तेव्हा विकीचं नियंत्रण सुटतं आणि तो अंकिताच्या दिशेने हात उगारतो. विकीचं हे रुप बघून अंकिताही शॉक होते. तर दुसऱ्या बेडवर बसलेला अरुणही म्हणतो, बापरे! हे काय बघितलं आम्ही.

Yaar ... #VickyJain Sachme #AnkitaLokhande Ko thappad marne wala tha 😭...

Ghar pe kya hota hoga kisko pata...
Yeh toh sachme vicky jain ka investment lagg raha. #MunawarFaruqui#MKJW#MunawarKiJanta#MunawarWarriors#BiggBoss#BB17#BiggBoss17pic.twitter.com/tzEQVyBiKv

— MUNAWAR KI JANTA ™ (@MunawarKiJanta1) December 22, 2023

विकीच्या या वागण्यामुळे नेटकरी चांगलेच नाराज झालेत. 'हे तर घरीही होत असणार, अंकिताच्या रिअॅक्शनवरुनच कळतंय' अशा कमेंट्स या व्हिडिओवर आल्या आहेत. अंकिता आणि विकीमधले असे वाद पहिल्यांदा होत नाहीएत. याआधी अंकितानेही विकीला लाथ मारण्याची गोष्ट केली होती. यावरुन विकीच्या आईने अंकितावर प्रश्न उपस्थित केले होते. 

मात्र यानंतर अंकिताने विकीचीच बाजू घेतली आहे. तिने अभिषेकलाच जाब विचारत स्वत: मुलींना मारतो आणि आमच्यावर आरोप लावतो असं म्हटलं आहे. तुम्ही नॅशनल टीव्हीवर इतकी मोठी गोष्ट कशी बोलू शकता. हे काय जोक आहे का? असा सवाल विकी विचारतो. यानंतर अभिषेकलाही जाणीव होते की त्याने या मुद्द्याला ताणलं नाही पाहिजे आणि तो शांत बसतो.