Bigg Boss 17 Winner: स्टँडअप कॉमेडियन मुनव्वर फारुकी ठरला विजेता, अभिषेक कुमार राहिला रनर अप

मुनव्वर फारुकीने रचला इतिहास! बिग बॉसची ट्रॉफी अखेर मिळालीच...

Bigg Boss 17 Winner: बिग बॉस 17 फिनाले चा विजेता घोषित झाला आहे. मुनव्वर फारूकी आणि अभिषेक कुमार यांच्यात चुरस होती. विशेष म्हणजे प्रेक्षकांसाठी पुन्हा एकदा 10 मिनिटांसाठी वोटिंग लाईन्स ओपन ठेवण्यात आले. यामध्ये प्रेक्षकांनी मुनव्वर फारुकीला (Munawar faruqui) ला जास्त वोट देत विजेता केलं आहे. स्टँडअप कॉमेडियन मुनव्वरचा आज वाढदिवसही आहे. त्यामुळे त्याने स्वत:लाच आज बिग बॉसची ट्रॉफी जिंकत आयु्ष्यभराचं गिफ्ट दिलं आहे. सलमानने मुनव्वरचा हात वर करत त्याला विनर घोषित केले. 

३२ वर्षीय मुनव्वर फारुकी हा सुरुवातीपासूनच बिग बॉसमध्ये एक स्ट्राँग स्पर्धक राहिला आहे. अंकितासोबतच्या त्याच्या भांडणांनंतर तर मुनव्वरला सोशल मीडियावर खूप पाठिंबा मिळाला. त्याची सोशल मीडियावर प्रचंड क्रेझ होती. याचाच रिझल्ट म्हणजे प्रेक्षकांनी त्याला भरभरुन वोट दिले आणि अखेर मुनव्वरने इतिहास घडवला. 'बिग बॉस'ची ट्रॉफी जिंकणारा तो पहिला स्टँडअप कॉमेडियन ठरला. मुनव्वर फारुकीवर शुभेच्छांचा वर्षाव होत आहे. हा ऐतिहासिक क्षण अनुभवण्यासाठी त्याच्या दोन्ही बहिणी सेटवर उपस्थित होत्या. त्यांच्या डोळ्यात यावेळी अश्रू आले. मुनव्वरचे चाहतेही भावूक झाले आहेत. 

मुनव्वरने अभिषेक कुमार, अंकिता लोखंडे, मन्नारा चोप्रा, अरुण माशेट्टी या सर्वांना पिछाडीवर टाकत विजेतेवपदावर नाव कोरले. त्याचा बिग बॉसमधला प्रवास खूपच संघर्षपूर्ण होता. अनेक अडचणींवर मात करत तो फिनालेपर्यंत पोहोचला होता. प्रेक्षकांची मिळालेली साथ, चाहत्यांचं प्रेम हे त्याच्यासाठी मोलाचं ठरलं. त्यांनीच मुनव्वरला बर्थडे गिफ्ट देत बिग बॉसचा विजेता बनवलं आहे. मुनव्वर स्टँडअप कॉमेडियन तर आहेच पण तो छान कविताही करतो. बिग बॉसमध्ये तो त्याच्या रिलेशनशिपमुळेही  चर्चेत होता. त्याची एक्स गर्लफ्रेंड आयेशा खान देखील बिग बबॉसमध्ये सहभागी झाली होती. 

'बिग बॉस'ची प्राईज मनी

बिग बॉस 17 चा जो विजेता ठरणार त्याला 50 लाख रुपये मिळणार आहेत. शिवाय एक आलिशान कारही मिळणार आहे. याआधी बिग बॉसची ही रक्कम 1 कोटी रुपये होती. मात्र नंतर यामध्ये घट करण्यात आली.