Shehnaaz Gill Video: 'दीदी का फेक अकाउंट पकडा गया..', शहनाज गिल इन्स्टावर चालवत होती फेक अकाऊंट

शहनाज गिलचा एक व्हिडिओ सोशल मीडियावर चांगलाच व्हायरल होत आहे.

पंजाबची कटरिना कैफ ते बिग बॉसमधील लोकप्रिय स्पर्धक असा प्रवास करणारी लोकप्रिय अभिनेत्री म्हणजे शहनाज गिल(Shehnaaz Gill). आपल्या मस्तीखोर स्वभावामुळे आणि सौंदर्यामुळे शहनाजने चाहत्यांच्या मनात हक्काचं स्थान निर्माण केलं. त्यामुळेच आज शहनाज गिलचा मोठा चाहतावर्ग असल्याचं पाहायला मिळतं. लवकरच ती सलमानच्या आगामी चित्रपट ‘किसी का भाई किसी जान’ चित्रपटातून बॉलिवूडमध्ये पदापर्ण करणार आहे. याच दरम्यान अभिनेत्रीचा एक व्हिडिओ सोशल मीडियावर व्हायरल होत आहे, ज्यामध्ये तिचे फेक इंस्टाग्राम अकाउंट चालवताना दिसली.

व्हायरल झालेल्या या व्हिडिओमध्ये शहनाज गिल तिच्या कारच्या पुढच्या सीटवर बसलेली आहे. कारमध्ये बसून शहनाज तिच्या इंस्टाग्राम प्रोफाइलवर सलमान खानसोबतचे फोटो अपलोड करताना दिसत आहे. ती इंस्टाग्रामवर गेल्यावर तिथे दोन आयडी दिसतात. त्यानंतर शहनाज तिच्या प्रोफाईलवर क्लिक करते. इथेच ती फेक इंस्टाग्राम अकाऊंट वापरत असल्याचे लोकांना दिसत आहे.

शहनाज गिलला फेक इंस्टाग्राम प्रोफाइल वापरताना पाहून लोक खूप मजा घेत आहे. एका यूजरने 'दीदींचे फेक अकाऊंट पकडलं गेलं' अशी कमेंट केली आहे. आणखी एका युजरने लिहिले की, 'फेक अकाउंटही बनवले आहे.' पापाराझींनी अशा प्रकारे कुणाच्या फोनमध्ये डोकावू नये, यावरही काहींनी नाराजी व्यक्त केली आहे.

दरम्यान फरहाद सामजी दिग्दर्शित किसी का भाई किसी की जान 21 एप्रिल 2023 रोजी थिएटरमध्ये प्रदर्शित होणार आहे. सलमान, शहनाज व्यतिरिक्त पूजा हेगडे, दग्गुबती व्यंकटेश, राघव जुयाल, सिद्धार्थ निगम, पलक तिवारी आणि जस्सी गिल यांच्यासह अनेक प्रसिद्ध स्टार्स आहेत.