Bigg Boss Marathi 3: बिग बॉस मराठीच्या घरावर एलियनचा कब्जा

बिग बॉस मराठीच्या घरात नुकत्याच समोर आलेल्या प्रोमोमध्ये काहीतरी वेगळेच घडताना दिसून आले.

बिग बॉस मराठीच्या घरामधून काल नीथा शेट्टी – साळवी घराबाहेर पडली आणि बिग बॉस मराठी सीझन तिसराला मिळाले या पर्वाचे टॉप १० सदस्य. आता इथून पुढे टास्क, आणि सदस्यांचा घरामधील प्रवास अधिक कठीण होणार यात शंका नाही. आता हे टॉप १० सदस्य कसा खेळ खेळतील ? या आठवड्यात कोण कोणते सदस्य नॉमिनेशनमध्ये जातील ? कोण घराचा कॅप्टन बनेल ? साप्ताहिक कार्य काय असेल ? हे हळूहळू समजेलच. हे सगळं जाणून घेण्यासाठी बघत राहा बिग बॉस मराठी सिझन तिसरा दररोज रात्री ९.३० वा. आपल्या कलर्स मराठीवर.

बिग बॉस मराठी सीझन तिसराच्या नुकत्याच समोर आलेल्या प्रोमोमध्ये दिसून येत आहे काहीतरी वेगळेच घडते आहे. त्याला कारणसुद्धा तसेच आहे. बिग बॉसच्या घरावर एलियनचा कब्जा.. घरातील सर्व सदस्यांनी लिव्हिंग एरियात एकत्र जमावे असा आदेश बिग बॉस यांनी दिला. 

नीथा शेट्टी-साळवी पडली घराबाहेर
बिग बॉसच्या घरात वाईल्ड कार्डद्वारे आलेली नीथा शेट्टी ही मराठी आणि हिंदीमधील लोकप्रिय अभिनेत्री आहे. मालिकांसह वेब सीरिपर्यंत अशा अनेक माध्यमातून ती झळकली आहे. तेनाली रामण, घरी की लक्ष्मी बेटियाँ, परावतार श्री कृष्ण अशा अनेक हिंदी मालिकांमध्ये तिने काम केले आहे. बऱ्याच मालिकांमध्ये सोज्वळ भूमिका साकारणाऱ्या नीथाने गंदी बातच्या चौथ्या सीझनमध्ये खूप बोल्ड सीन दिले होते. त्यामुळे ती चर्चेत आली होती. बिग बॉस मराठीच्या तिसऱ्या सीझनमध्ये नीता शेट्टी- साळवी चर्चेत आली होती. पण तिला घरातून लवकर बाहेर पडावे लागले.