Bigg Boss Marathi 3: 'बिग बॉसचा शो आहे स्क्रिप्टेड'; स्नेहा वाघचा 'हा' व्हिडीओ पाहून प्रेक्षकांनी व्यक्त केला संताप

स्नेहा वाघने काही दिवसांपूर्वी इंस्टाग्रामवर पोस्ट शेअर केली आहे. या पोस्टमुळे प्रेक्षकांमध्ये संभ्रमाचे वातावरण निर्माण झाले आहे.

बिग बॉसच्या घरात नुकताच हल्लाबोल हा टास्क खेळण्यात आला होता. त्यात जय दुधाने आणि गायत्री दातार यांच्या टीमने बाजी मारलेली पाहायला मिळाली. आता कॅप्टन पदासाठी दावेदार ठरलेले जय आणि गायत्री इतर सदस्यांना आपल्या बाजूने मत देण्यासाठी विनवणी करताना दिसत आहेत. दरम्यान संचालकाने दिलेल्या या टास्कच्या निर्णयावर प्रेक्षकांनी नाराजी व्यक्त केली आहे. या टास्कचे विजेते विकास पाटील आणि विशाल निकम असायला हवे होते , जय आणि गायत्री फेअर गेम खेळत नाहीत, असे प्रेक्षकांचे म्हणणे आहे. या निर्णयाबाबत आता महेश मांजरेकर काय उत्तर देतात आणि कुणाला खडेबोल लगावतात हे पाहणे कमालीचे ठरणार आहे.

बिग बॉस घरातील सदस्य स्नेहा वाघने काही दिवसांपूर्वी इंस्टाग्रामवर पोस्ट शेअर केली आहे. या पोस्टमुळे प्रेक्षकांमध्ये संभ्रमाचे वातावरण निर्माण झाले आहे. एका व्हिडिओत स्नेहा वाघ ‘गॉसिप अँड किचन फाईट’ असे कॅप्शन देऊन बिग बॉसच्या घरातील घडामोडींबद्दल सांगत आहे. मात्र तिने काढलेला हा व्हिडीओ नेमका कुठला आहे? बिग बॉसच्या घरात राहून व्हिडीओ शूट कसा केलास? तू बिग बॉसच्या घरात राहून इंस्टाग्रामवर कशी ? तू बिग बॉसच्याच घरात आहेस ना? असे असंख्य प्रश्न तिच्या चाहत्यांना पडले आहेत. 

View this post on Instagram

A post shared by 🐯 Sneha Wagh 💛💜💛 (@the_sneha)

स्नेहा वाघचे सोशल मीडिया अकाउंट तिची टीम हँडल करते आहे. इतकेच नाही तर बिग बॉसच्या घरातील सर्वच सदस्य सोशल मीडियावर सक्रीय आहेत. त्यामुळे बिग बॉसच्या घरातील प्रत्येक अपडेट त्यांच्या अकाउंटवर पाहायला मिळत आहे. मात्र असे असले तरी हे सर्व अकाउंट सर्व सदस्यांच्या टीमकडून हँडल केले जात आहेत.

मात्र स्नेहा वाघच्या त्या व्हिडीओमुळे बिग बॉसचा शो स्क्रिप्टेड आहे आणि म्हणून तो आम्हाला फेक वाटतो अशा संतप्त प्रतिक्रिया प्रेक्षकांनी व्यक्त केल्या आहेत.