Bigg Boss Marathi 3 : कॅप्टन पदाच्या उमेदवारला समर्थन देण्यासाठी दादूसना गमवावी लागणार 'ही' गोष्ट

Bigg Boss Marathi 3:बिग बॉस मराठीच्या घरामध्ये सदस्यांना देण्यात येणारे टास्क दिवसेंदिवस अधिकाधिक कठीण होत जाणार आहेत

बिग बॉस मराठी (Bigg Boss Marathi 3)च्या घरामध्ये सदस्यांना देण्यात येणारे टास्क दिवसेंदिवस अधिकाधिक कठीण होत जाणार आहेत, असे दिसून येते आहे. पहिले मीरा आणि आता दादूस यांना देखील एक गोष्ट गमवावी लागणार आहे. आता दादूस त्या गोष्टीचा त्याग करण्यास तयार होतील ? कोणासाठी त्याग करणार दादूस ? आजच्या भागामध्ये हे समजेल.  

बिग बॉस दादूस यांना सांगणार आहेत, कॅप्टन पदाच्या उमेदवारला समर्थन देण्यासाठी आपल्याला एक गोष्ट गमवावी लागणार आहे आणि ती गोष्ट आहे आपले केस. दादूस, जय खूप भावुक झाले. जयला अश्रु अनावर झाले. दादूसना देखील रडू कोसळले. दादूस म्हणाले,  खरंतर पहिल्या दिवसापासून या घरामध्ये मला प्रत्येकाने प्रेम दिले आहे. आपल्याला एक वरिष्ठ मंडळी समजून मला प्रत्येकाने प्रेम दिलं. मी आज या ठिकाणी खासकरून जय विषयी सांगू इच्छितो की, त्याने या घरात वडीलस्थानी मला बसवलं आहे, प्रत्येकवेळेस त्याने तो मानसन्मान मला दिला आहे...” दादूस त्यांना सांगितलेली गोष्ट करू शकतील का? हे आजच्या भागात समजेल.

कोण बनणार घराचा नवा कॅप्टन?
बिग बॉस मराठीच्या घरामध्ये आज सदस्यांना काही कठीण निर्णय घ्यावे लागणार आहेत. कारण घरामध्ये रंगणार आहे पारड कॅप्टन्सीचे हे कॅप्टन्सी कार्य ! ज्यामध्ये पणाला लागणार आहेत सदस्यांच्या काही गोष्टी. जय किंवा विशाल या दोघांमध्ये रंगणार आहे हे कॅप्टन्सी कार्य. घरातील सदस्यांना ठरवायचे आहे बिग बॉस यांनी सांगितलेल्या गोष्ट ते जय – विशालपैकी कोणासाठी गमावण्यास तयार आहेत. घरातील सदस्य हे करण्यास नकार देखील देऊ शकतात. कॅप्टन पदाचे उमेदवार जय आणि विशाल यामध्ये कोण बनणार घराचा नवा कॅप्टन हे बघणे उत्सुकतेचे असणार आहे.