ती आली काय नि गेली काय...! ‘Bigg Boss Marathi 3’च्या घरातून नीथा शेट्टी बाद

Bigg Boss Marathi Season 3 Elimination : होय, ती आली आणि ती गेली..., अशाच पद्धतीने वाईल्ड कार्ड एन्ट्रीद्वारे बिग बॉस मराठीच्या घरात आलेल्या नीथा शेट्टीचा घरातील प्रवास थांबला.

‘बिग बॉस मराठी 3’ च्या घरातून आणखी एक स्पर्धक बाद झाला. होय, ती आली आणि ती गेली..., अशाच पद्धतीने वाईल्ड कार्ड एन्ट्रीद्वारे बिग बॉस मराठीच्या घरात आलेल्या नीथा शेट्टीचा (Neetha Shetty) घरातील प्रवास थांबला. दोन आठवड्यातच ती घराबाहेर पडली. यापूर्वी वाईल्ड कार्डद्वारे एन्ट्री केलेला आदिश वैद्य हा सुद्धा दोन आठवड्यातच घराबाहेर झाला होता. आता नीथा शेट्टी ही देखील घरातून आऊट झाली. (Bigg Boss Marathi Season 3 Elimination)

या आठवड्यात जय, विशाल, दादूस, नीथा, सोनाली, उत्कर्ष आणि विकास असे सगळे नॉमिनेट झाले होते. शनिवारी यापैकी जय, विशाल आणि दादूस हे तिघे सेफ झाले होते. त्यामुळे नीथा, सोनाली, उत्कर्ष आणि विकास या चौघांमधून कोणीतरी एक घराबाहेर जाणार, हे स्पष्ट होते. कोण जाणार, याबद्दल चाहत्यांच्या मनात उत्सुकता होती. सरतेशेवटी  नीथा आणि सोनाली हे दोन सदस्य डेंजर झोनमध्ये आले आणि नीथा शेट्टी हिला  बिग बॉस मराठीच्या घरामधून बाहेर जावं लागलं.

बिग बॉसच्या घरात वाईल्ड कार्डद्वारे आलेली नीथा शेट्टी ही मराठी आणि हिंदीमधील लोकप्रिय अभिनेत्री आहे. मालिकांसह वेब सीरिपर्यंत अशा अनेक माध्यमातून ती प्रेक्षकांच्या भेटीला आली आहे.
तेनाली रमण, घरी की लक्ष्मी बेटियाँ, परावतार श्री कृष्ण अशा अनेक हिंदी मालिकांमध्ये तिने काम केलं आहे.  अनेक मालिकांमध्ये सोज्वळ भूमिका साकारणाऱ्या नीथाने Gandii Baat 4 मध्ये प्रचंड बोल्ड सीन दिले होते. त्यामुळे ती रातोरात प्रकाशझोतात आली. विशेष म्हणजे या सीरिजमध्ये काम करण्यापूर्वी ती प्रचंड घाबरली होती. नीथाने आतापर्यंत 29 मालिका आणि चारपेक्षा जास्त चित्रपटांमध्ये काम केलं आहे. सोबतच तिने ओटीटीवरही पदार्पण केलं असून काही वेब सीरिजमध्ये झळकली आहे.