Bigg Boss Marathi 3 : आठवड्याच्या पहिल्याच दिवशी गायत्री - मीनलमध्ये भांडण

Bigg Boss Marathi 3 :आज घरामध्ये आठवड्याच्या पाहिल्या टास्कमध्ये, पहिल्या दिवशी मीनल आणि गायत्रीचे जोरदार भांडण होताना दिसणार आहे.

बिग बॉस मराठीच्या घरामध्ये टास्क दरम्यान सदस्यांमध्ये वादावादी, भांडण, धक्केबुक्के होणे काही नवीन नाही. आज घरामध्ये आठवड्याच्या पाहिल्या टास्कमध्ये, पहिल्या दिवशी मीनल आणि गायत्रीचे जोरदार भांडण होताना दिसणार आहे. असा कुठला टास्क आहे हा ज्यामध्ये मीनल आणि गायत्री यांचे भांडण झाले. मीनल – गायत्रीला एकमेकींची कुठली गोष्ट पटली नाही. (Bigg Boss Marathi 3 )
 
सदस्यांनसमोर १ ते १० असे नंबर होते आणि त्या नंबरवरती जाऊन उभे राहायचे होते. पहिल्यावर स्नेहा, २ नंबरवर मीनल, ३ वर गायत्री, ४ वर विकास, ५, ६ आणि ७ नंबरवर अनुक्रमे  सोनाली, नीथा आणि दादूस, तर आठ, नऊ आणि दहा नंबर अनुक्रमे उत्कर्ष, जय आणि विशाल हे सदस्य उभे राहिले आणि त्यांना पटवून द्यायचे आहे की का ते त्यांनी सांगितलेल्या नंबरवर जाण्यास पात्र आहेत. याचवरून मीनल आणि गायत्रीमध्ये भांडण होणार आहे.

मी तीन नंबरच डिझर्व्ह करते - गायत्री
जयचे म्हणणे आहे तो १ नंबरवर असण्यास पात्र आहे आणि स्नेहा ७ नंबरसाठी पात्र आहे. त्यावर स्नेहाने स्पष्ट शब्दात नकार दिला. जयने इतर सदस्यांना देखील विचारले कोणाला हे वाटते का की मी १ नंबरवर असायला पाहिजे. तर गायत्रीने त्यावर सहमती दिली. तर मीरा म्हणाली “मला उत्कर्ष देखील वाटतो. मीनल त्यावर गायत्रीला म्हणाली तू ३ नंबर सोडू शकतेस आणि इथून वादाला सुरुवात झाली. गायत्रीचे म्हणणे आहे ते माझ्यापेक्षा बेटर आहेत आणि तुम्हा दोघींपेक्षा देखील बेटर आहेत म्हणून... मी तीन नंबरच डिझर्व्ह करते १ आणि २ नंबर त्यांच्याकडे हवा, गायत्री मीनलला असं देखील म्हणाली तू दोन नंबर डिझर्व्ह नाही करत...
आता नेमके काय घडले, हे आजच्या भाग पाहिल्यावर समजेल.