Bigg Boss Grand Finale: 'ही दोस्ती तुटायची नाय'; विकास-विशालने दिलं एकमेकांना मैत्रीचं वचन; पाहा Video

Bigg Boss Grand Finale:जवळपास ३ महिने एकाच घरात या स्पर्धकांनी एकत्र क्षण घालवले आहेत. त्यामुळे प्रत्येकामध्येच एक चांगलं बॉण्डिंग तयार झालं होतं. यात विशाल निकम आणि विकास पाटील यांच्या मैत्रीची तर काही बातच औरच होती.

छोट्या पडद्यावर तुफान गाजलेला शो म्हणजे 'बिग बॉस मराठी' (bigg boss marathi). आज या सोहळ्याचा ग्रँड फिनाले रंगत असून संपूर्ण प्रेक्षक वर्गाला यंदाच्या पर्वात नेमका कोणता स्पर्धक विजयी ठरणार हे जाणून घेण्याची उत्सुकता लागली आहे. जवळपास ३ महिने एकाच घरात या स्पर्धकांनी एकत्र क्षण घालवले आहेत. त्यामुळे प्रत्येकामध्येच एक चांगलं बॉण्डिंग तयार झालं होतं. यात विशाल निकम आणि विकास पाटील यांच्या मैत्रीची तर काही बातच औरच होती. या दोघांच्या मैत्रीची चर्चा प्रेक्षकांमध्ये चांगलीच झाली. त्यामुळे बिग बॉसच्या शेवटच्या दिवशी या दोघांनी आपल्या मैत्रीला समर्पित करणाऱ्या एका धम्माल गाण्यावर डान्स केला.

कलर्स मराठीने त्यांच्या अधिकृत इन्स्टाग्रामवर विशाल आणि विकास यांच्या डान्सचा एक व्हिडीओ शेअर केला आहे. या व्हिडीओमध्ये ही बेस्ट फ्रेंडची जोडी धुमधडाका या चित्रपटातील ही दोस्ती तुटायची नाय या गाण्यावर भन्नाट डान्स करताना दिसत आहेत. विशेष म्हणजे या गाण्यात त्यांना जय दुधाणे आणि उत्कर्ष शिंदे या दोघांनीही छान साथ दिली. उत्कर्ष आणि जयने ट्युबलाईट (Tubelight) या चित्रपटातील तू मेरे हुकूम का इक्का या गाण्यावर डान्स केला.

दरम्यान, थोड्याच वेळात बिग बॉस मराठी ३ ला त्यांचा या पर्वातील विजेता मिळणार आहे. त्यामुळे सगळ्यांचं लक्ष सध्या अंतिम सोहळ्याकडे लागलं आहे. या ग्रँड फिनालेमध्ये बिग बॉसमध्ये सहभागी झालेले स्नेहा वाघ,सुरेखा कुडची, मीरा जगन्नाथ या स्पर्धकांनीही डान्स परफॉर्मन्स सादर केले.